1 TUPU 1 - Tuvalu Revised Bible

Ko Toeaina te Tupu ko Tavita

1A Tavita nei ko oko eiloa i te matua, kae faitalia eiloa me e fia pulagiketi e tao atu ne ana tavini ki a ia, kae e mokotia faeloa a ia.

2Tena ne fai atu ei ana ofisa ki a ia penei, “Tou malu, talia mai ke sala ne matou se tamafine ke nofo i ou tafa o tausi koe. Ka takato a ia i ou tafa o fakamafanafana tou foitino.”

3Ne fano te salaga o se tamafine matagali eiloa i luga i Isalaelu katoa, kae ne maua i te fa'kai o Sunema a te tamafine e igoa ki a Apiseka, aumai ei ne latou ki te tupu.

4A te tamafine tena ko ia eiloa ko taulekaleka; ne tausi ne ia te tupu kae e seki moe eiloa mo te tupu.

Ko Fia Tupu Atonia

5-6 mo Apiata ei te faitaulaga, kae nei, kona e fai kaiga mo ia kae kalaga sale penei, ‘Ke ola leva te Tupu ko Atonia!’

26Kae seki kami ne ia a au, io me ko Satoka te faitaulaga, io me ko Penaia, io me ko Solomona.

27Tou malu, ne talia ne koe ke fai te mea tena kae seki fakailoa mai eiloa ne koe ki au ofisa me ko oi e sui ne ia koe o fai mo tupu?”

28Muna a te Tupu ko Tavita, “Fai atu ki a Patisepa ke foki mai ki loto,” tena ne ulu atu ei a Patisepa o tu i ona mua.

29Muna a Tavita ki a Patisepa, “Au e tauto atu ki a koe i te igoa o te Aliki ola, tela ne fakasao sale ne ia a au mai oku puapuaga katoa,

30me i te aso nei, ka fakataunu eiloa ne au taku tautoga ne fai ki a koe i te igoa o te Aliki, te Atua o Isalaelu, me i tau tama ko Solomona ka sui ne ia a au o fai mo tupu.”

31Ne punou ifo Patisepa kae fai atu penei, “A toku aliki te tupu, ke ola leva!”

32Tena, ne uga te fekau a Tavita ki a Satoka mo Natano mo Penaia ke olo atu.

33I te oko atuga o latou kona, ne fai atu ei te tupu ki a latou, “Puke aku ofisa ke olo mo koutou; a taku tama ko Solomona ke sopo eiloa i luga i taku miula, kae taki atu ne koutou ki te vai i Kaiona,

34te koga tena ka faū ei a ia ne Satoka mo Natano ke fai mo tupu o Isalaelu. Ka oti ko fakatagi ei te pu kae kalaga penei, ‘Ke ola loa te Tupu ko Solomona!’

35Tau'tali mai eiloa koutou i a ia manafai e vau a ia o nofo i luga i toku nofogaaliki, ko ia ka sui ne ia a au, me ko ia ko te tino ko oti ne filifili ne au ke fai mo takitaki o Isalaelu mo Iuta.”

36Ne tali atu Penaia, “Ka fai eiloa ne matou te mea tena, ka ko te Aliki ke faka'malu ne ia.

37A te Aliki ke fakatasi atu ki a ia e pela mo koe ne fakatasi atu ki a koe a te Aliki, kae ke fai foki ne ia tena nofoaiga ke tafasili atu i te manuia i lo tau nofoaiga.”

38Tena ne puke atu a Satoka mo Natano mo Penaia mo te sotia tausi o Tavita o fakasopo Solomona ki luga i te miula a te tupu, taki atu ei ne latou ki te vai o Kaiona.

39Ne puke atu Satoka ki te fagu sinu olive tela ne aumai ne ia mai te Faleie o te Aliki, faū ei ne ia a Solomona. Ne fakatagi ne latou te pu, kae ka'laga mo tino penei, “Ke ola leva te Tupu ko Solomona!”

40Tena, ko latou katoa eiloa ko tautali mai i a Solomona o foki mai ki Ielusalema kae kalaga mo te fiafia kae fakatagitagi i faili; ko oko eiloa i te logoa tela ko galulu ei te laukele.

41I te otiga o te 'kaiga a Atonia mo tino ne kami ne ia, lagona ei ne latou a leo o tino. I te lagonaga ne Ioapo a te pu e tagi, ne fesili aka ei a ia penei, “Se a katoa te logoa tela e fai mai i te fa'kai?”

42Kae koi tuai o palele ana pati, kae ulu mai a Ionatana te tama a te faitaulaga ko Apiata. Muna a Atonia, “Vau ki konei; a koe se tagata 'lei, kaati koe e vau mo se tala lei.”

43Ne tali atu a Ionatana, “Au e fanoanoa me se se tala lei. A Solomona ko oti ne fakasopo ne tena malu te Tupu ko Tavita ke fai mo tupu.

44Ne uga ne ia a Satoka, Natano mo Penaia mo sotia tausi o ia ke taki ne latou a Solomona. Ne fakasopo ne latou a Solomona ki te miula a te tupu,

45tena faū ei a ia ne Natano mo Satoka i te vai o Kaiona, ke fai mo tupu. Oti i ei, olo ei latou ki loto i te fa'kai, kae ka'laga mo te fiafia, ka ko tino ko kalaga valevale. Tena te logoā tena ne fatoā lagona ne koutou.

46A Solomona nei ko fai mo tupu.

47A ofisa foki o te palesi ne olo o fakaasi te lotou fakaaloalo ki tena malu te Tupu ko Tavita, kae fai atu penei, ‘A tou Atua ke fai ne ia Solomona ke silia atu tena takutakua i lo koe, kae ke silia atu te manuia o tena nofoaiga i lo koe.’ Tena, ko Tavita eiloa ko fai tena talo i luga i tena moega,

48muna a ia, ‘Tatou ka viki atu ki te Aliki te Atua o Isalaelu, tela ko fai nei ne ia i te aso nei se tino i toku gafa ke fai mo tupu o sui a au, kae fakaola mai foki ne ia a au ke lavea ne au ki oku mata!’ ”

49Ne mataku a tino ne kami ne Atonia, tena ne tu aka ei latou, fakatau olo eiloa i olotou auala.

50Ka ko Atonia ko oko eiloa i tena mataku i a Solomona, tela ne fanatu ei a ia ki te Faleie o te Aliki, o puke ana lima ki nifo o te fata-fai-taulaga, ke sao a ia.

51Ne logo Solomona i a Atonia ko oko eiloa i te mataku i a ia, kae tela e taofi mau ne ia a nifo o te fata-fai-taulaga, kae ne fai ana muna penei, “Au e manako ko Solomona ke tauto muamua mai ki a au ke se tamate ne ia a au.”

52Ne tali atu Solomona, “Kafai e fakamaoni eiloa a ia, e seai eiloa se mea e oko ki a ia; kae kafai e se fakamaoni a ia, ko ia ka tamate.”

53Ne uga te fekau a te Tupu ko Solomona ke aumai a Atonia, tena ne aumai ei mai te fata-fai-taulaga. Ne fanatu Atonia ki te tupu, punou ifo i ona mua, kae fai atu ki te tupu penei, “Foki atu ki tou fale.”