IOPU 40 - Tuvalu Revised Bible

1-2Iopu, a koe ne fia fakafeagai ki te Atua Malosi;

E a, e manako koe o fai sau tali, io me ko se manako koe?

Iopu

3-4Te Aliki,au ne faipati fakavalevale fua. Se a te mea e mafai ne au o tali? Ka taumafai au o se toe faipati ki se isi mataupu aka.

5Ko to uke aku muna ne fai.

6Tena la, ne toe faipati mai ei te Aliki ki a Iopu mai i loto i te afā.

Te Aliki

7Tu mai ki luga pela me se tagata,

Kae tali mai ki aku fesili.

8A koe e taumafai o 'lou mai me e se fai ne au te mea tonu?

E a, e taumafai koe o faka'se au kae fakasao koe?

9E mata e oko tou malosi ki toku malosi?

E mafai tou leo o pagulu malosi penei mo toku leo?

10Kafai e mafai, pei mai la ki ou gatu fakatupu mo te 'malu.

11Kilo ki a latou kola e fakamatamata; ita atu ki a latou kae fakaseaoga atu latou.

12Ao, kilo ki a latou kae puke o 'tao ifo ki lalo;

Tukipala atu a tino amio masei i te koga e tu ei latou.

13Tanu atu latou i te laukele; 'sai atu latou i te lalolagi o tino mate.

14Tena la, ko au ka muamua o avatu ou vikiga,

Kae taku tonu atu me ko manumalo koe.

15Kilokilo ki te manu fakamataku ko Pemota;

Ne faite ne au te manu tena, ne faite foki ne au a koe.

E kai ki mouku pela me se pulumakau,

16Se a te malosi e maua i tena foitino kae se a foki te malosi e maua i ana mafi?

17A tena velo e tu ki luga pela me se alasi,

Mo uaua i ona vae e malosi.

18A ona ivi e malosi pela me ne palasi,

Ka ko ona vae e pela me ne fiti.

19A te manu tena ko te toe manu fakaofoofogia eiloa i aku manu katoa ne faite!

Ko te tino fua tela ne ana faitegina e mafai ne ia o fakatakavale te manu tena.

20A mouku e kai ei a ia e ola i mauga kola e ta'fao sāle i ei a manu o te vao.

21E takato i lalo o lakau talatala,

Kae 'muni i va o mouku i se koga suasua.

22A lakau talatala mo uilou i tafatafa o vaitafe,

E faka'malu ne latou a ia ki olotou malūga.

23E se mataku i se vaitafe 'tafe malosi;

E nofo filemu eiloa a ia i te taimi e tafe malosi mai ei te Iolitana i ona mata.

24Ko oi te tino e mafai o fakakivi ne ia ona mata kae puke fakapagota a ia?

Io me ko oi e mafai o sele ne ia ona muagutu?