SALAMO 48 - Tuvalu Revised Bible

Siona, te Fa'kai o te Atua

1A te Aliki e sili, kae 'tau o ma'luga ona vikiga i te fa'kai o te tou Atua,

i luga i tena mauga tapu.

2 Mata 5.35 A Siona tela ko te mauga o te Atua, e maluga kae gali;

A te fa'kai o te tupu sili e aumai ne ia te fiafia ki te lalolagi katoa.

3Ko oti ne fakaasi mai ne te Atua me e 'malu tatou i a ia

i loto i 'pui o te fa'kai.

4Ne luku fakatasi a tupu, kae o'mai o fai taua ki te Mauga o Siona.

5Ne ofo valevale latou i te laveaga ne latou a Siona;

Ne ma'taku kae 'tele keatea.

6I kona, ne ma'taku ei latou kae fi'ta,

E pela me se fafine ka fai o fanau se tamaliki,

7E pela me ne vaka ko i loto i se afā fakamataku.

8Ko oti ne lagona ne tatou mea ne fai ne te Atua,

Kae nei ko matea ne tatou i te fa'kai o te tou Atua,

Te Aliki Sili i te Malosi;

Ka tausi ne ia te fa'kai ke sao 'lei ki te se gata mai.

9Te Atua, i loto i tou Faletapu e mafaufau ei matou ki tou alofa tumau.

10E vikia koe ne tino i koga valevale,

Ka ko tou takutakua foki e oko atu ki te lalolagi katoa.

E pule koe mo te amiotonu;

11Ke fia'fia a tino o Siona! E fai ne koe a fakamasinoga tonu;

Ke nofo te fiafia i fa'kai o Iuta!

12Tino o te Atua, sasale i feitu katoa o te Mauga o Siona,

Kae lau ona taoa;

13Ke iloa 'lei ne koutou ona 'pui, kae sukesuke foki ki ona olo,

Ke mafai ne koutou o taku atu ki te sua kautupu penei:

14“Te Atua tenei ko te tou Atua ki te se gata mai, se gata mai eiloa;

Ka takitaki ne ia a tatou i taimi katoa fakamuli.”