ISAIA 17 - Tuvalu Revised Bible

Sulia mo Isalaelu ka Fakasala ne te Atua

1 Ka fai mo koga e kaikai ei a mamoe mo pulumakau, kae seai eiloa se tino e fano o atuli latou keatea.

3A Isalaelu ka 'ta gofie, mo Tamaseko ka galo tena saolotoga. A tino Sulia kona e toe ka masiasi pela mo tino Isalaelu. Ko au, te Aliki Malosi, tena ne faipati atu.”

4Muna a te Aliki, “I se aso mai mua nei, kae ka fakagata te takutakua o Isalaelu, mo tena koloa ka sui ki te mativa.

5A Isalaelu ka pela me se fatoaga saito tela ko oti ne kati te saito i ei, kae ko tu aliali eiloa pela me se fatoaga i te vanu o Lefaima tela ko oti ne ave keatea ona fuataga.

6E se tokouke a tino Isalaelu ka 'sao, ka ko Isalaelu ka pela me se lakau ko te olive tela ko oti ne tau ona fuataga, kae toe mai fua e lua me tolu i te taulu, mo nisi fuataga i kaula ki lalo. Ko au, te Aliki te Atua o Isalaelu, tena ne faipati atu.”

7Kafai e oko mai te aso tena, a tino ka fuli atu ki te Atua Tapu o Isalaelu tela ne faite ne ia latou, ke fesoasoani atu ki a latou.

8Ka se toe fakatuaga latou ki fata-fai-taulaga kola ne faite ne latou ki olotou lima, io me talitonu ki fakatusa ne faite ki olotou lima — ko fakatusa o te atua fafine ko Asaila mo fata-fai-taulaga e sunu ei mea manogi.

9Kafai e oko mai te aso tena, a fa'kai kola e puipui faka'lei ka lavaki kae maofa valevale e pela mo fa'kai kola ne tiakina ne te kau Hivi mo te kau Amoli i te taimi ne tele ei latou mai i tino Isalaelu.

10Isalaelu, ko puli i a koe te Atua tela ne fakasao kae puipui ne ia koe pela me se kaupapa malosi. Kae e ui ei, ne toki ne koe a fatoaga tapu, ko te mea ke tapuaki atu ei koe ki se atua fakaatea.

11Kae e ui eiloa ne toki ne koe kae ne kamata o ola ake i te taeaoakega, kae e seai eiloa se taukai e maua ne koe mai i ei. Ko fakalavelave fua mo te mae e se mafai o gata, e mafua mai i ei.

Ko Takavale a Malo o te Fili

12A malo malosi eiloa ko oko eiloa i te logoa, pela eiloa mo te leo o te 'gulu o te tai, pela mo te leo o galu 'lasi kola e 'fati.

13A malo e olo ki mua pela me ne galu kola e tele ki mua, kae ne kote latou ne te Atua ko te mea eiloa ko foki ki tua, e afuligina keatea e pela mo te pefu i se feitu mauga, pela me se kausaito i loto i te vaeosio.

14I te afiafi e fai ne latou a tino ke mataku, kae i te tafataeao ko galo atu latou. Tena te ikuga o tino katoa kola e o'mai o faitaua mai ki te motou fenua.