ISAIA 1 - Tuvalu Revised Bible

1 E ui eiloa i a koutou ko oko eiloa i te lailai, kae ka fulu ne au koutou ke kena pela me ne vulu.

19Kafai e fakalogo mai koutou ki a au, kae ka kai koutou ki mea lei kola e fua mai i te laukele.

20Kae kafai e teke mai koutou ki a au, ko koutou ka tamate ne au. Ko au, te Aliki, tena ne faipati atu.”

Ko te Fa'kai Agasala

21A te fa'kai tela ne masani o fakamaoni sale ko amio pela me se fafine tali tagata. I aso mua, ne fonu i tino amiotonu, kae nei ko tino tatino fua kona e toe mai i ei.

22Ielusalema, a koe ne pela me se siliva i aso mua, kae nei koe ko se aoga; a koe ne pela me se uaina tafasili i te lei i aso mua, kae nei a koe ko pela fua me se vai.

23A ou takitaki e se fakalogo kae e taugasoa ki tino kaisoa; e talia faeloa ne latou a meaalofa kola e togi fakakolekole ki ei latou. E se mafai lele eiloa o kau ki tamaliki seai ne matua i taimi o fono tulafono, io me fakalogo ki fafine ko mate olotou avaga i te taimi e fakaasi ei mea e fakatagi ki ei latou.

24Tela la, fakalogo mai nei ki muna a te Aliki Malosi, te Atua Malosi o Isalaelu: “Oku fili, ka taui atu nei ne au ki a koutou e tusa eiloa mo otou amioga ne fai, tena la, ko se toe fakalavelave mai ei koutou ki a au.

25Ka fai ne au se faiga ki a koutou. Ka faka'ma ne au koutou, e pela eiloa mo te fiti tela e faka'ma, kae ka ave keatea ne au a uiga masei katoa mai i a koutou.

26Ka tuku atu ne au a takitaki mo tino fai manatu fakatonutonu ki a koutou, e pela eiloa mo te kau i aso mua. Tena la, ka taku ei a Ielusalema ko te fa'kai amiotonu kae fakamaoni.”

27Ka fakasao ne te Aliki a Ielusalema fakatasi mo tino katoa i ei kola e salamo, me i a Ia e amiotonu.

28Ka tukipala ne ia a tino katoa kola e agasala kae teke ki a ia; ka tamate ne ia a tino katoa kola e se saga ki a ia.

29Ka salamo koutou i a koutou ne olo o tapuaki ki lakau kae toki ne koutou a fatoaga, kae fakatapu ki atua fapaupau.

30Ka mate atu koutou pela me se lakau ko te oka tela ka fai o mate, pela me se fatoaga tela e seai se tino e fano o fakasiusiu.

31A tino malosi kae takutakua ka ta fakapalele ona ko olotou amioga masei, e pela eiloa mo te kausaito tela e ka i te kalokaloafi, kae ka seai eiloa se tino e mafai o fakagata ne ia te fakalavelave tena ka oko ki a latou.