SALAMO 3 - Tuvalu Revised Bible

Ko te 'Talo i te Taeao mō se Fesoasoani

1Te Aliki, ko oko eiloa i te tokouke o oku fili,

E tokouke foki a latou kola e teke mai ki a au!

2Ne fai'pati latou e uiga ki a au penei,

“A te Atua ka se fesoasoani lele eiloa ki a ia.”

3Ka ko koe e te Aliki, ko toku talita e malu ei au i puapuaga;

E aumai ne koe te manumalo ki a au

Kae toe fakafou ne koe toku loto toa.

4E kalaga atu au ki te Aliki mō se fesoasoani,

Kae tali mai a ia ki a au mai i tena mauga tapu.

5E takato au ki lalo o moe,

Kae i te po katoa, ne puipui au ne te Aliki.

6E se mataku au ki te fia o afe o oku fili

Kola e nikoi mai ne latou au.

7Te Aliki, vau! Toku Atua, fakasao mai au!

Ne fakasala ne koe oku fili katoa,

Ko seai ei se lotou malosi o ta au.

8A te manumalo e mai te Aliki,

Ke fakamanuia ne ia ona tino!