1Tenei te valoaga a Opetaia: ko pati a te Aliki Maluga e uiga ki te malo o Etoma.
Ka Fakasala ne te Aliki a EtomaKo oti ne uga ne te Aliki tena avefekau ki malo,
Ko oti ne lagona ne tatou tena fekau:
“Fakatoka! Tatou ka olo o tau ki a Etoma!”
2Muna a te Aliki ki a Etoma,
“Ka fakavaivai ne au a koe;
Tino katoa ka takalia'lia i a koe.
3A koe ko faka'se ne tou fakamatamata.
A tou laumua se pa e faite ki kaupapa make'ke;
A tou fa'kai e i luga i mauga,
Tela te mea e fai aka ei koe pela,
‘Ko oi te tino e mafai ne ia o fakatakavale au?’
4E ui eiloa e fai tou fale ke maluga e pela me se ofaga o se aeto,
Ko te mea ke pili atu ki fetu,
Kae e futi ifo eiloa koe ne au.
5“A tino kai'soa ka o'mai i te po,
E puke fua ne latou a mea e ma'nako latou ki ei.
A tino ka olo o tae fuagā vine,
E masani sale o faka'toe ne latou ne mu mea.
Ka ko koutou ko oti ne ta fakapalele eiloa ne otou fili.
6Koutou te fanauga a Esau, a otou koloa ko oti ne fao malo.
7Ko oti koutou ne fakaloiloi ne otou taugasoa;
Ko oti ne afuli ne latou a koutou keatea mai i te otou fenua.
A tino kola ne nofo fealofani mo koutou,
Ko oti nei ne 'ta ne latou a koutou.
A otou taugasoa kola ne kai fakatasi mo koutou,
Ko oti ne tao ne latou se malei mō koutou;
Muna a latou, ‘Tefea tena poto lasi?’
8“I te aso e fakasala ei ne au a Etoma,
Ka ta fakapalele ne au a olotou tino poto,
Kae fulu faka'ma olotou poto katoa.
9A tino tau o Timanu ka mataku,
Ka ko sotia katoa i Etoma ka 'mate katoa.
Ko Pogai o te Fakasalaga o Etoma10“Ona koe se tino faomea kae ne tamate ne koe ou kaiga,
Kola ko te gafa o Iakopo,
A koe ka fakamaseigina kae se fakaaloalogina ki te se gata mai.
11A koutou ne faka'tafa keatea i te taimi ne ofa ei ne olotou fili a mataloa o olotou pui.
A koutou e pau eiloa i te masei mo tino kola ne ave keatea ne latou te maumea o Ielusalema,
Kae vaevae i a latou eiloa.
12Ne seki 'tau mo koutou o kata fakatauemu ki te takavalega o otou taina i Iuta.
Ne seki 'tau mo koutou o fia'fia i te aso ne masei valevale ei latou.
Ne seki 'tau foki mo koutou o kata ki a latou i olotou puapuaga.
13Ne seki tau mo koutou o ulu ki loto i te fa'kai o oku tino o kata fakatauemu ki olotou puapuaga,
Kae 'fao malo olotou koloa i te aso ne takavale ei latou.
14 Isa 34.5-17; 63.1-6; Iele 49.7-22; Eseki 25.12-14; 35.1-15; Amo 1.11,12; Mala 1.2-5 Ne seki 'tau mo koutou o tu i maga o auala o puke latou kola e taumafai o tele ke sao.
Ne seki tau mo koutou o tuku atu latou ki te fili i te aso e puapuaga ei latou.
Ka Fakamasino ne te Aliki a Malo15“A te aso tela ka fakamasino ei ne au a malo katoa, ko pili mai.
Etoma, te mea ne fai ne koe ka toe taui atu ki a koe.
Ka toe oko atu ki a koe te mea tela ne tuku atu ne koe.
16A oku tino ko oti ne fakasala 'mafa i toku mauga tapu.
Ka ko malo katoa kola i ona tafa ka inu i te ipu o te fakasalaga e silia atu i te 'kona;
Ka inu latou i ei ko te mea eiloa ko galo atu.
Ko te Manumalo o Isalaelu17“E isi ne tino ka sola ki te Mauga o Siona,
Kae ka fai mo koga tapu.
A tino o Iakopo ka fai mō latou te fenua tela e o latou mua.
18A tino o Iakopo mo Iosefa ka pela me ne afi;
Ka ta ne latou a tino o Esau e pela me se afi e sunu ne ia se fakaputuga kaiga.
E seai se tino mai te gafa o Esau e ola.
Ko au, ko te Aliki, ko oti ne faipati atu.
19“A tino o Iuta ki saute ka nofo i Etoma;
A tino kola e nofo i tafito mauga i te feitu ki te togala,
Ka puke ne latou a Filisitia;
A tino Isalaelu ka puke mo latou Efalaima mo Samalia;
Ka ko tino o Peniamina ka fai mō latou a Kileata.
20A tino o Isalaelu ki matu kola ne ave i te tafeaga ka foki mai o puke Foinikia ke oko atu eiloa ki te fa'kai ko Salefata.
A tino o Ielusalema kola ne ave i te tafeaga kae 'nofo nei i Salataisa ka fao malo ne latou a fa'kai o Iuta ki saute.
21A tino manumalo o Ielusalema ka ta ne latou Etoma kae pule i ei.
Ka ko te Aliki eiloa ka fai mo Tupu.”
Who We AreWhat We EelieveWhat We Do
2025 by iamachristian.org,Inc All rights reserved.
