IELEMIA 8 - Tuvalu Revised Bible

1“I te taimi tena, a ivi o tupu mo tino maluga i Iuta, pela foki a ivi o faitaulaga mo pelofeta, mo ivi o nisi tino kola e nofo i Ielusalema, ka avake mai i olotou tanuga.

2E se fakaputu o tanu, kae ka pela me ne kaiao i luga o te laukele. Ka fakatafola a ivi kona i lalo o te la, te masina mo fetu. A tino kona ne fiafia kae tavini sale ki te la, te masina mo fetu; ne kalaga sale ki ei kae tapuaki ki ei.

3Tela la, a tino o te malo masei tenei kola koi ola mai, kae e nofo nei i koga ne fakasalalau ne au ki ei latou, ka fiafia atu o mate i lo te ola mai i te olaga nei. Ko au, te Aliki Malosi, tena ne faipati atu.”

Ko te Agasala mo te Fakasalaga

4A te Aliki ne fai mai ki a au ke faipati atu au ki tena fenua penei, “Kafai se tino ko siga ki lalo, e a, e se tu aka a ia ki luga? Kafai se tino ko piko keatea mo te ala, e a, e se foki mai a ia ki ei?

5Ka ko koutou toku fenua, ai a ne fulitua mai ei koutou ki a au kae ko se toe foki mai? E piki mau koutou ki otou tupua, kae ita eiloa ma foki mai ki a au.

6Ne fakalogologo fakalei atu eiloa au, ka ko koutou e seki faipati ki te mea tonu. E seai eiloa se tino i a koutou kai fanoanoa ona ko ana uiga masei; e seki ai eiloa se tino i a koutou kai fesili aka penei, ‘Se a te mea se ko oti ne fai ne au?’ A tino katoa e fakatau olo eiloa i te auala e ma'nako latou o olo i ei, e pela me se solofanua tela e tele kini atu ki loto i te taua.

7A matuku e iloa ne latou te taimi e tau ei latou o foki ki olotou ofaga; a lupe, sualou mo tuluse e iloa ne latou te taimi e foki atu ei latou. Ka ko koutou toku fenua, e se iloa ne koutou a tulafono kola e takitaki ki ei ne au koutou.

8E mafai pefea o fai mai koutou i a koutou e poto kae e iloa foki ne koutou aku tulafono? Kiloke, a tulafono ko palele ne fulifuli valevale ne faiakoga o te tulafono kola e se fakamaoni.

9A otou tagata poto ko fakamasiasigina; ko numi valevale, kae ko se maua o fai se mea. Ne 'teke ne latou aku muna; se a te vaega poto tenei e nofo mo latou?

10Tela la, ka tuku atu ne au olotou fatoaga ki nisi tino, mo olotou avaga foki ka tuku atu ki nisi tagata. A tino katoa, tino maluga mo tino se maluga ko taumafai katoa o sala tupe i auala se tonu. Ke oko foki eiloa ki pelofeta mo faitaulaga ko fakaloiloi ne latou a tino.

11

E seai ne tokita i kona?

Ai a la e seki fakalei ei a pakiaga o tino o toku fenua?