1Muna a tino Isalaelu penei, “Tatou ka foki ki te Aliki! Ko oti ne faka'mae ne ia tatou, kae ka faka'lei eiloa ne ia tatou; ko oti ne fakapakia ne ia tatou kae ka fusi eiloa ne ia o'tou pakiaga.
2Ka toe fakaola ne ia tatou i se lua io me se tolu o aso, kae ka nofo tatou i ona mua.
3Taumafai ke iloa ne tatou te Aliki. Ka vau a ia ki a tatou e pela eiloa mo te taeao e oko mai, e pela eiloa mo vaiua o te tau muakiga tela e fakasūsū ne ia a te laukele.”
4Muna a te Aliki, “Isalaelu mo Iuta, se a te mea ka fai ne au ki a koulua? A te lua alofa ki a au e vave galo fua e pela me se sau i te vaveao; e pela me se sau tela e galo i te taimi e kasa mai ei te la.
5Tena te pogai ne uga atu ei ne au aku pelofeta mo taku fekau o te fakamasinoga mo te malaia. A te mea e manako au ke fai ne koutou e maina faka'lei eiloa:
6 ne ofa ei ne latou te feagaiga tela ne fai ne au mo latou.
8A Kileata se fa'kai e fonu i tino masei mo tino tatino.
9A faitaulaga e pela me se potukau fao mea kola e fakatalitali o alamati se tino ke ta ne latou. Ke oko foki eiloa ki te auala tela e tau ki te koga tapu i Sekema, e ta foki ne latou a tino i kona. E fai katoa ne latou a amioga masei kona mo te loto katoatoa!
10Ko oti ne matea ne au se mea tafasili i te masei i luga i Isalaelu: a toku fenua ko fakalai'lai olotou loto i tapuakiga ki tupua.
11“Ka ko koutou tino o Iuta, ko oti ne fakasino ne au te taimi e fakasala ei koutou e tusa mo otou mea kona e fai.
Who We AreWhat We EelieveWhat We Do
2025 by iamachristian.org,Inc All rights reserved.
