2 NOFOAIGA TUPU 36 - Tuvalu Revised Bible

Ko Ioasi te Tupu o Iuta(2Tupu 23.30-35)

1Ne fili ne tino Iuta a te tama tagata a Iosia ko Ioasi, faū ei ne latou ke fai mo tupu i Ielusalema.

2A Ioasi ko luasefulu tolu ona tausaga i te taimi ne fai ei a ia mo tupu. Ne nofo a ia i te nofogaaliki i Ielusalema i masina e tolu.

3Ne ave fakapagota a ia ne te Tupu o Aikupito ko Neko, kae fai malo ne Neko a tino Iuta ke togi atu ne latou e 3,400 kilokalame o siliva, kae 34 kilokalame o te aulo ki a ia.

4 ei ona tausaga. Ne nofo a ia i te nofogaaliki i Ielusalema i masina e tolu mo aso e sefulu. A ia tena ne agasala foki ki te Aliki.

10 ko Setekaia ke fai mo tupu o Iuta mo Ielusalema

Ko Setekaia te Tupu o Iuta(2Tupu 24.18-20; Iele 52.1-3a)

11 Iele 27.1-22; 28.1-17 A Setekaia ne fai mo tupu o Iuta ka ko luasefulu tasi ei ona tausaga. Ne nofo a ia i te nofogaaliki i Ielusalema i tausaga e sefulutasi.

12Ne agasala a ia ki te Aliki kae seki fakalogo mo te loto malalo ki te pelofeta ko Ielemia, tela ne faipati ne ia a te muna a te Aliki.

Ko Takavale Ielusalema(2Tupu 25.1-21; Iele 52.3-11)

13 Eseki 17.15 Ne teke atu a Setekaia ki te Tupu ko Nepukanesa. A Nepukanesa ne fai malo ne ia a Setekaia ke tauto i te igoa o te Atua ke fakamaoni atu ki a ia. Ne ita eiloa a ia ma salamo kae fuli mai ki te Aliki, te Atua o Isalaelu

14Se gata i kona, ka ko takitaki foki o Iuta, mo faitaulaga mo tino o te fenua ko tautali i amioga masei a malo i olotou tafa, o tapuaki ki tupua, tela la, ko fakalailai ne latou a te Faletapu tela ne faka'malu ne te Aliki.

15A te Aliki, te Atua o olotou tupuga, ne tumau eiloa o uga mai sale ne ia a pelofeta o akoako a tino i te mea e tau o fai ne latou, me i a ia e manako o fakasao latou, pela foki te Faletapu.

16Ne fakatauemu ne latou a avefekau a te Atua, ne seki saga ki ana muna, kae kata ki ana pelofeta, tela la, a te Aliki ko oko eiloa i te kaitaua ki tena fenua, ko se toe sao tena fenua.

17 Iele 21.1-10; 34.1-5 Tena la, ne uga mai ne te Aliki a te tupu o Papelonia ke vau o taua ki a latou. Ne tamate ne te tupu a tamataene o Iuta, ke oko foki eiloa ki tamataene o te Faletapu. E seai eiloa sena alofa ki tino, e pau katoa i a ia a tino — me ne tamataene io me ne tino matua, me ne tagata io me ne fafine, me e masaki io me ikai. Ne tuku atu ne te Atua a latou katoa ki te malosi o te tupu o Papelonia.

18Ne fao malo ne te tupu o Papelonia a koloa o te Faletapu, mo koloa a te tupu mo ana ofisa, ave katoa eiloa ne ia ki Papelonia.

191Tupu 9.8 Ne sunu ne ia a te Faletapu mo te fa'kai, fakatasi mo palesi mo koloa katoa i ei, kae ofa foki ne ia a te pui o te fa'kai.

20Ne ave ne ia ki Papelonia a tino katoa kola e toe mai; i kona ne fai ei latou mo pologa ke oko eiloa ki te taimi ne tu ake ei a te Malo o Pelesia.

21Iele 25.11; 29.10 Tela la, a te valoaga a te Aliki tela ne fai e auala i a Ielemia ko taunu: “Ka takato maofa te fenua i tausaga e fitusefulu, e taui ei a te aso malolo tela ko te Sapati, tela e seki tausi eiloa ne tino.”

Kulesa ko Fakatonu ki Tino Iutaia ke Foki(Esela 1.1-4)

22I te tausaga muamua o te nofoaiga a Kulesa, te tupu o Pelesia, kae fakataunu ne te Aliki a tena muna ne fai e auala i te pelofeta ko Ielemia. Ne fai ne ia a Kulesa ke tusi sena fakatonuga o ave ki koga katoa i tena malo, e penei te fakatonuga:

23 Isa 44.28 “Tenei te fakatonuga a Kulesa, te Tupu o Pelesia. A te Aliki, te Atua o te lagi, ne fai ne ia a au mo pule o te lalolagi kātoa, kae ne tofi ne ia a au ke faite ne au se faletapu mō ia i Ielusalema i Iuta. I te taimi nei, a koutou katoa kola ko tino o tena fenua, ke na olo nei koutou ki te koga tena, kae ke fakatasi atu te Aliki te otou Atua ki a koutou.”