IOPU 26 - Tuvalu Revised Bible

Iopu

1-2Ko oko eiloa i te lei o tou fesoasoani ki a au,

Au se tagata mativa kae vaivai.

3E fai mai ne koe a manatu lei ki a au, kae fakaasi mai tou poto ki a au, te tagata valea!

4Ko oi i tau fakatau ka lagona ne ia au muna katoa kona?

Ko oi te tino ne fai ne ia koe ke faipati pena?

(Pilitati)

5A agaga o tino mate ko polepole i vai i lalo ifo o te lalolagi.

6A te lalolagi o tino mate e takato fakasau i mua o te Atua;

E seai se mea e mafai o ufi ki ei ke se matea ne te Atua.

7Ne fola ne te Atua a te lagi ki matū,

Kae fakatautau ne ia a te lalolagi i te vanimonimo.

8Ko te Atua ne fakafonu ne ia a kaumana ki vai,

Kae taofi foki ne ia ke mo a e sofi ki tua ona ko te 'mafa.

9E 'funa ne ia a te masina sulu i tua o se kaumana.

10E vae ne ia te mainaga mai i te pouliga ki te laina pukupuku e vase i luga i te tai.

11Kafai e fakamatakutaku atu ne ia a pou kola e taofi ei a te lalolagi,

Ko te mea eiloa ko pole'pole i te mataku.

12Ne fakatakavale ne ia a te tai ki tena malosi;

Ne fakatakavale foki ne ia a te manu fakamataku ko Lahapa ki tena poto

13E faka'ma ne ia a te lagi ki tena manava,

Ne tamate foki ne ia a te manu fakamataku tela ne sao ki tena lima.

14A mea konei ne fakaasiga foliki fua e uiga ki tena mana,

E pela fua me ne musumusuga; ko oi te tino e iloa tonu ne ia a te mana o te Atua?