SALAMO 143 - Tuvalu Revised Bible

Ko te 'Talo mō se Fesoasoani

1Te Aliki, fakalogo mai ki taku talo!

Fakalogo mai ki taku fakatagi!

A koe e amiotonu kae fakamaoni,

Tela la, tali mai ki a au!

2 Loma 3.20; Kala 2.16 Sa tofotofo mai au, i a au ko tau tavini;

E seai se tino e amiotonu i tau kilokiloga.

3Au ne fakasauā ne toku fili,

Kae ne fakatakavale masei eiloa au ne ia.

Ne 'pei ne ia au ki te fale puipui pouli,

Tela ko pela ei au mo se tino ko leva ne mate.

4Au ko fakavaivai;

Ko oko eiloa i toku fanoanoa.

5Ko masaua ne au aso ko teka,

Ne mafaufau ei au ki au mea katoa ne fai,

Ko fakamasaua ne au au galuega katoa ne fai.

6Ko sisi ake oku lima o 'talo ki ou mua;

A toku agaga e fiainu ki a koe, e pela me se laukele malo e fiainu ki se vai.

7Te Aliki, tali mai nei ki a au!

Ko seai eiloa soku fakamoemoega.

Sa 'muni mai i a au,

i a au ma to i te kau kola e olo ifo ki lalo i te fenua o tino mate.

8Fakamasaua mai ki a au tou alofa tumau i taeao katoa,

Me i au e talitonu ki a koe.

Aku talosaga e oko atu ki a koe;

Fakaasi mai te auala e 'tau au o fano i ei.

9Te Aliki, au e fanatu ki a koe mō se puipuiga;

Fakasao mai au mai oku fili.

10A koe ko toku Atua;

Akoako mai au ke fai ne au tou loto.

A koe ke alofa mai kae takitaki mai au ki se auala e sao ei au.

11Te Aliki, fakaola mai au e pela mo tau tautoga;

i tou aga'lei, e sao ei au mai oku puapuaga!

12Ona ko tou alofa mai ki a au, tamate aka la oku fili,

Kae fakamalaia latou katoa kola e fakasauā mai ki a au,

Me i a au ko tau tavini.