ISAIA 9 - Tuvalu Revised Bible

1 Te Aliki;

Ne fai ne koe latou ke fiafia.

Ko oko eiloa i te fiafia o latou ona ko mea ne fai ne koe, e pela eiloa mo te fiafia o tino kola e kati te taukai saito a latou,

Io me ko tino kola ko vaevae a koloa ne fao ne latou mai i fenua ne fakatakavale ne latou.

4Ne fati ne koe te amo tela ne amo ne latou mo te lakau tela e kini ei olotou tuauma.

Ne fakatakavale ne koe te malo tela ne fakapuapuaga ne ia ou tino,

Pela eiloa mo te fakatakavalega ne koe o te kautau a Mitiana i aso ko teka.

5A taka o tagata o te fili mo olotou gatu kola e toto ka sunu katoa i te afi.

6E isi se tamaliki ko fanau!

Se tamaliki tagata tenei ko aumai ki a tatou!

Ko ia ka fai mo takitaki o tatou.

Ka fakaigoa a ia, “Fakaofoofogina” Fautua,”

“Atua Malosi,” “Tamana ki te se gata mai,”

“Te Pelenise o te Filemu.”

7 ke faitaua mai ki a latou.

12A Sulia mai i te saegala mo Filisitia mai i te togala, ko fakamaga o la gutu o folo a Isalaelu. E ui i mea kona, kae e se gata eiloa te kaitaua o te Aliki; ka tumau faeloa te fola mai tena lima o fakasala Isalaelu.

13A tino Isalaelu e seki mafuli mai eiloa mai i olotou uiga masei; e ui eiloa ko oti ne fakasalagina latou ne te Aliki Malosi, kae e seki toe fuli mai eiloa latou ki a ia.

14Ka fakasala ne te Aliki a tino Isalaelu mo olotou takitaki i te aso e tasi, ka vae keatea ne ia a te ulu mo te velo.

15A te ulu ko toeaina mo tagata fakaaloalogina, ka ko te velo, ko pelofeta kola e akoako ne latou a akoakoga 'se!

16A tino kola ne takitaki ne latou a tino konei, ne taki 'se ne latou, kae fai ne latou ke numi valevale olotou mafaufau.

17Tela la, ka se talia eiloa ne te Aliki ke sao se tamataene, ka se alofa foki ki fafine ko mate olotou avaga, mo tamaliki seai ne matua, me i tino katoa ko se talitonu ki te Atua, kae fai amioga masei, mo muna foki a latou e fai, ne muna masei katoa. E ui i mea kona ka tupu, ka ko te kaitaua o te Aliki e se gata eiloa. Ka tumau faeloa te fola mai o tena lima o fakasala Isalaelu.

18A te amio masei o tino ko 'ka eiloa pela me se afi tela e sunu ei a vao makaikai mo lakau talatala. E 'ka eiloa pela me se afi i te vao tela e fanake i ei te au.

19Ona ko te Aliki Malosi ko kaitaua, a tena fakasalaga ka 'ka pela me se afi i loto i te fenua tela e ta fakapalele ei a tino, tela la, ko faitalia eiloa te tino i tena ola.

20A tino i te fenua ko fakatau fao fua i mu meakai e maua ne latou, ka ko te fia'kai o latou e se mafai o gata. E kai foki eiloa ne latou olotou tamaliki!

21A tino o Manase mo tino o Efalaima e fakatau taua, kae oti aka, ko taua fakatasi atu ei ki tino o Iuta. E ui eiloa i mea kona e tupu, kae e se gata eiloa te kaitaua o te Aliki: e tumau eiloa te fola mai o tena lima o fakasala Isalaelu.