2 SAMUELU 22 - Tuvalu Revised Bible

Ko te Pese Manumalo a Tavita(Sala 18)

1I te fakasaoga ne te Aliki a Tavita mai i a Saulo mo nisi fili aka o ia, ne usu ei ne Tavita te pese tenei ki te Aliki:

2Te Aliki ko toku 'pui

A ia foki ko toku olo malosi.

3A toku Atua ko toku 'puiga, e sao ei au

E puipui ne ia a au e pela me se talita;

E faka'malu ne ia a au, kae tausi mai foki ke sao au.

A ia ko toku fakaola;

E puipui kae fakasao ne ia a au mai fakalavelave.

4Au e kalaga ki te Aliki,

Ko fakasao ei ne ia a au mai oku fili.

Ke vikia te Aliki!

5A te fakamataku o te mate ko i oku feitu katoa;

A te puapuaga ko 'fati pela me ne galu i luga i a au.

6A te fakamataku o te mate ko nikoi mai i a au;

Mo te tanuga foki ko toka tena malei mō oku.

7I taimi o oku puapuaga, ne kalaga ei au ki te Aliki;

Ne kalaga au ki toku Atua ke fesoasoani mai.

Ne lagona ne ia toku leo i loto i tena faletapu;

Ne lagona foki ne ia taku tagi mō se fesoasoani.

8Ne gasue te laukele kae galulu;

Ne gasue te fakavae o te lagi, kae 'pole i te Atua ko kaitaua!

9Ne pusa mai te au mo te afi mai ona puisu,

Mo malala 'ka mai tena gutu.

10Ne vae ne ia te lagi kae vau ki lalo,

Mo te kaumana pouli i lalo i ona vae.

11Ne evaeva a ia i tena kaliota fakatelagi;

Ne malaga a ia i luga i kapakau o te matagi.

12E ufi tena foitino ki te pouliga;

A kaumana matolutolu kae fonu i vai, e nikoi i a ia;

13Ko malala 'ka e ula sale aka mai te uila i ona mua.

14Tena ne pakalaga mai ei te Aliki mai te lagi,

Lagona ei ne latou te leo o te Atua Maluga.

15Ne sana mai ne ia ana matasana, 'tele valevale ei ona fili;

Ne fakama'lapu mai ne ia a uila, tena ne tele valevale ei.

16Te Aliki, te takele papa o te moana ko takato fakasau;

A fakavae o te lalolagi ko 'tu aliali fua mai, i te taimi ne vao ei ne koe ou fili,

Kae kalaga ki ei mo te kaitaua.

17Ne 'kapa ifo a lima o te Atua mai i te lagi o puke ake au;

Ne avake ne ia a au mai te moana 'poko.

18Ne fakasao ne ia a au mai oku fili ma'losi pela foki mai tino katoa kola e ita mai ki a au,

Kola e silia atu te lotou ma'losi i a au.

19Ne faitaua mai latou ki a au, i te taimi ne puapuagatia ei a au;

Ka ko te Aliki ne puipui ne ia a au.

20Au ne fakasao ne te Aliki i taimi o puapuaga,

Ne fakasao ne ia au me e fiafia ki a au.

21Ne maua ne au te taui 'lei mai i te Aliki, me i a au e amiotonu;

Ne fakamanuia ne ia a au, me i a au se tino amio 'ma.

22Ne tausi ne au a tulafono a te Aliki;

A au e seki fuli keatea mai toku Atua.

23Au ne tausi ki ana tulafono katoa;

Ne fakalogo foki au ki ana fakatonuga katoa.

24E iloa ne ia i a au e fai mea tonu,

Kae se fiafia foki ki te masei.

25Tena te mea ko maua ei ne au te taui 'lei e tusa mo taku amiotonu,

Me e iloa ne ia i a au e amio 'ma.

26Te Aliki, a koe e fakamaoni ki a latou kola e fakamaoni atu ki a koe,

Kae katoatoa foki tou 'lei ki a latou kola e amiotonu.

27A koe e fakaasi tou loto 'ma ki a latou kola e loto 'ma

Kae fai fili ki a latou kola e amio ma'sei.

28E faka'sao ne koe a latou kola e loto malalo;

Kae fai ne koe ke ma'lalo a latou kola e loto fakamaualuga.

29Te Aliki, a koe ko toku mainaga;

E ave keatea ne koe te pouliga mai i a au.

30E aumai ne koe te malosi ki a au o taua atu ki oku fili

Mo te mafai o fakatakavale olotou fakatokatokaga.

31A te Atua tenei, e 'lei katoatoa ana faiga,

E fakatuagagina ana muna!

A ia e pela me se talita ki a latou kola e salasala atu ki tena tausiga.

32A te Aliki, ko ia eiloa te Atua e tokotasi;

Ko ia foki eiloa te motou lafiga.

33A te Atua tenei, ko toku lafiga malosi,

E fakatoka foki ne ia te auala e sao ei au.

34 keatea mai olotou olo mo te mataku.

47E ola te Aliki! Tavae atu ki toku lafiga!

Takutaku atu te sili o te Atua tela ne fakasao ne ia a au!

48Ko aumai ne ia ki a au a te manumalo i luga i oku fili;

Ko fakanofo foki ne ia a malo mai lalo o taku pulega,

49Kae fakasao ne ia a au mai oku fili.

Te Aliki, ko koe eiloa e maua ei ne au te manumalo i oku fili

Kae puipui foki au mai lima o tino fakasaua.

50 Loma 15.9 Tela la, ka tavae atu au ki a koe i mua o malo;

Ka usu atu foki ne au ou vikiga.

51Ko te Atua e aumai ne ia a manumalo 'lasi ki tena tupu;

E fakaasi atu foki tena alofa tumau ki a ia tela ne filifili ne ia,

Ko Tavita mo tena gafa ki te se gata mai.