EPELU 1 - Tuvalu Revised Bible

Ko Faipati mai te Atua e auala i tena Tama

1I aso taumua a te Atua e faipati mai ki tou tuā fakauke taimi mai loto o pelofeta,

2kae i aso fakamuli nei a ia ko faipati kia tatou e auala mai i tena tama. A ia tokotasi tela ne faite ne te Atua a te lalolagi e alatu i a ia, a ia foki ko te tino tela ne filifili ne te Atua ne pule ne ia a mea katoa i te fakaotiga.

3A ia e fakaasi mai ne ia te mainaga o te 'mana o te Atua kae e tusa pau eiloa ana foliga mo te Atua, tela e fakatumau ne ia te lalolagi ki te malosi o ana muna. Mai i tua o fakataunu a te fakamagaloga o agasala a tino katoa, ne sagasaga ei a ia i te lagi i te feitu fakaatamai o te Atua, te malosi katoa.

Ko te Malosi o te Tama a te Atua.

4A te Tama e sili atu i agelu, me i te igoa ne tuku atu ne te Atua ki a ia, e sili atu eiloa i olotou igoa.

5 a tou nofogaaliki e tumau eiloa ki te se gata mai!

Ko te amiotonu ka pule ei ne koe tou malo.

9E fiafia koe ki te mea tonu kae takalialia ki te mea 'se,

Tena te pogai ne fakasopo ei koe ne te Atua, ko tou Atua,

Kae tuku atu foki ne ia ki a koe a te fiafia o te 'malu e sili atu i te tāua,

I lo te mea ne tuku atu ne ia ki ou taugasoa.”

10 Sala 102.25-27 Ne toe fai mai foki ana muna:

“Ka ko koe e te Aliki, ne faite ne koe te lalolagi mai te kamataga,

Ne faite foki ne koe a lagi ki ou lima.

11E mavae atu katoa a mea konei, kae tumau eiloa koe.

E olo katoa o 'mago a mea konei, e pela mo laugatu;

12E fetufetu ne koe e pela mo se peleue,

E mafuli foki olotou foliga e pela mo ne laugatu.

Ka ko koe e tumau eiloa pena, e se mafai eiloa koe o matua.”

13 Sala 110.1 A te Atua ne faipati penei ki tena Tama, kae ne seki faipati penei ki ana agelu:

“Nofo i toku feitu fakaatamai,

Ke oko ki te taimi e tuku ei ne au ou fili,

Ke fai mo mea e tuku ei ou vae.”

14Kae ne a la agelu? Ne agaga katoa latou, kola e tavini ki te Atua, kae e uga mai foki eiloa ne ia o fesoasoani ki a latou kola ka maua ne latou a te fakaolataga.