1A Tavita te tama a Iese, te tagata ne fai ne te Atua ke takutakua, tela ne fili ne te Atua o Iakopo ke fai mo tupu, kae ko ia foki e 'fatu sale ne ia a pese gali i Isalaelu. Konei a muna fakapalele a Tavita:
2A te agaga o te Aliki e faipati mai e auala i a au;
A tena fekau e i oku laugutu.
3A te Atua o Isalaelu ko oti ne faipati mai;
A te 'puiga o Isalaelu ne faipati mai ki a au penei:
“A te tupu tela e pulepule mo te fai mea tonu,
Tela e fai tena pulega mo te fakalogo ki te Atua,
4E pela mo te la e maina mai i se vaveao e seai ne kaumana i ei,
Ko te mainaga o te la tena e fai ne ia te mouku ke malapu'lapu i te fatoa otiga o te vaiua ne to.”
5Ka fakamanuia pena ne te Atua a tino i toku gafa,
Me ko oti ne fai ne ia se feagaiga mo au e seai se gata mai,
Se feagaiga ka se mafai o ofa,
Se tautoga e se mafai o toe fuli.
Tena eiloa te mea e manako au ki ei;
Tena toku manumalo,
Kae ka fakaoko mai eiloa ne te Atua.
6Ka ko tino fapaupau e pela me ne lakau tala'tala kola e ave o 'pei keatea;
E seai se tino e mafai o puke ki a latou manafai se ufi olotou lima.
7E tau o fakaaoga ne koutou se mea faigaluega fiti io me se tao;
Ka sunu fakapalele eiloa latou.
Ko Sotia Takutakua a Tavita(1NTupu 11.10-41)8Konei a igoa o sotia takutakua a Tavita: te sotia muamua ko Iosepa Pasepete mai Takemoni; ko ia ko te takitaki o “Te Tokotolu”; ne fakaaoga ne ia tena tao o taua mo te valuselau tagata, kae ne tamate katoa ne ia latou i te tauaga tena.
9A te tokolua, ko Eleasalo te tama a Toto, mai te matakaiga o Ahoi. I te aso e tasi, ne taua atu laua mo Tavita ki te kau Filisitia kola ko oti ne maopoopo mō te taua.
10A tino Isalaelu ne tele ki tua, ka ko ia tena ne tu eiloa i tena tulaga o taua ki te kau Filisitia, ke oko eiloa ki te taimi ko pakeke ei tena lima tela ko se maua ei ne ia o fai ke to tena pelu mai ona lima. Ko te Aliki ne tuku atu ne ia te manumalo i te aso tena. I te otiga o te taua tena, ko te kau Isalaelu eiloa ko foki atu ki te koga ne tu ei a Eleasalo, tapale ei ne latou a gatu tau mai i tena foitino mate.
11A te sua tino i te tokotolu takutakua kona, ko Sama, te tama a Aki, mai i te fa'kai o Hala. A tino Filisitia ne maopoopo i Lei, tela e isi se fatoaga pini i ei. Ne tele a tino Isalaelu mai te kau Filisitia,
12ka ko Sama ne tu eiloa i tena tulaga i te fatoaga tena, ne 'pulu ne ia, kae tamate ne ia a tino Filisitia. Ko te Aliki ne aumai foki ne ia te manumalo i te aso tena.
13Ko pili nei ki te taimi ka kamata ei o kati a te taukai, kae ne o'mai a te tokotolu tagata mai te “Te Tinotolu”, o olo ki te ana i Atulama, te koga e nofo ei Tavita, ka ko tino Filisitia e fakama'nava fua i te Vanu o Lefaima.
14I te taimi tena, a Tavita e nofo i te koga maluga e isi sena olo, kae e isi se potukau Filisitia e nofo nei i Peteleema.
15Ne oko atu ki a Tavita te masausau ki tena kaiga tena ne fai atu ei a ia penei, “Aku muna eiloa ke isi se tino e aumai ne ia se vai mai te vaikeli i tafa o te mataloa o Peteleema!”
16Ne olo atu te tokotolu sotia takutakua o ulu i loto i te koga o te kau Filisitia, asu mai ne latou ne vai mai te vaikeli tena, aumai ei ne latou ki a Tavita. Ka ko Tavita seki inu ki ei, kae ne ligi ne ia ki tua ke fai mo taulaga ki te Aliki, kae fai aka mo ana muna penei,
17“Te Aliki, e se mafai ne au o inu te vai tenei! E pela eiloa me ko inu ne au a toto o tagata konei ne tuku olotou ola o asu mai te vai tenei!” Tena seki inu eiloa ne ia.
Kona a mea takutakua ne fai ne te tokotolu takutakua kona.
18A Apisai, te taina o Ioapo (ko tama a Seluia) ko te takitaki o “Te Tinotolu Takutakua.” Ne taua a ia mo tena tao ki te toluselau tagata kae ne tamate katoa ne ia, kae ne takutakua ei a ia i te “tinotolu”
19Ne silia atu tena takutakua mai i te “Te Tinotolu”, kae ne fai ei a ia mo takitaki o latou, kae e se oko eiloa ki te takutakua o “Te Tokotolu.”
20A Penaia, te tama a Ieoiata, mai Kapaseele, se sotia takutakua foki; e uke ana mea lasi ne fai, e aofia ei te tāga ne ia o sotia takutakua o Moapi e tokolua. Ne tamate foki ne ia te leona i te lua, i te aso e tasi ne 'to ei te kiona.
21Ne tamate foki ne ia te tagata Aikupito, se tagata lasi, tela ne vau mo tena tao. Ne ta ne Penaia ki te mea pago tino, 'fao ne ia tena tao, tamate ei ne ia ki ei.
22Kona a galuega ma'losi a Penaia, tela se tokotasi o te “Te Tinotolu Takutakua.”
23E takutakua foki a ia i “Te Tinotolu” tena, kae e se oko eiloa ki “Te Tokotolu.”Ne fai a ia ne Tavita ke pule i ana sotia tausi.
24-39Konei a igoa o nisi tagata i “Te Tinotolu Takutakua”:
Asaelu, te taina o Ioapo
Eleana, te tama tagata a Toto mai Peteleema;
Sama mo Elika mai Halota
Helesa mai Peleta
Ila, te tama tagata a Ikesi mai Tekoa
Apiesa mai Anatota
Mepunai mai Husa
Salemona mai Ahoi
Malai mai Netopa
Helepa, te tama tagata a Paana mai Netopa
Itai, te tama tagata a Lipai mai Kipea i Peniamina
Penaia mai Pilatonu
Hitai mai vanu i tafa o Kaasa
Apialepono mai Alapa
Asimaveta mai Paulima
Eliapa mai Salepono
Ko tama tagata a Iasene
Ionatana
Sama mai Halala
Aiama, te tama tagata a Salala mai Halala
Elifeleti, te tama tagata a Asipai mai Maaka
Eliamo, te tama tagata a Aitofele mai Kilo
Heselo, mai Kalamelu
Palai mai Alapi
Ikala, te tama tagata a Natano mai Sopa
Pani mai Kato
Seleka mai Amoni
Nahalai mai Pelota, ko te tokolua ki a Ioapo
Ila mo Kalepo mai Iatila
Ulia te Heti
E tusa mo te tino tolu mo te tokofitu sotia takutakua katoa.
Who We AreWhat We EelieveWhat We Do
2025 by iamachristian.org,Inc All rights reserved.
