IONA 1 - Tuvalu Revised Bible

Ko te se Fakalogo o Iona Ki te Aliki

1 Ne 'pei ne latou a kako I te taimi tena, a Iona e to te moe i te ana o te vaka.

6Ne maua atu a ia ne te kapeni i kona, kae fai atu ki a ia, “E to pefea tau moe? Tu ki luga o 'talo ki tou atua ki se fesoasoani. Se taumate kaati ka alofa mai o fakasao tatou.”

7Ne fai'pati aka te kauvaka penei, “Tatou ka fai te vili ke iloa ake me e oi a mala konei.” Ne fai te vili, kae maua ake nei ko Iona.

8Fai atu ei latou ki a ia: “Taku mai nei ki a matou! E o koe a mala konei? Se a tau fekau i konei? Ko oi tou fenua? Ko oi tou malo?”

9Ne tali atu a Iona, “Au se tino Epelu, tela e tapuaki ki te Aliki te Atua o te lagi tela ne fai ne ia te laukele mo te tai.”

10Ne fakamatala atu ne ia ki a latou, i a ia ne tele keatea mai i te Aliki.

Ko oko eiloa te ma'taku o te kauvaka, tela ne fai atu ei penei ki a Iona, “Ko oko eiloa te masei o tau mea ne fai!”

11Te afā ne gasolo ake eiloa o agi malosi, tela fesili atu ei te kauvaka ki a ia penei, “Se a te mea e 'tau o fai ne matou ki a koe ke malū te afā?”

12Ne tali atu a Iona, “Pei au ki te tai kae ka malū te moana. E iloa ne au me ko toku 'se tenei ko poko ei koutou ne te afā lasi tenei.”

13Ne seki fai ne latou te mea tena, kae ne taumafai malosi eiloa latou o ālo te vaka ke oko ki uta. Ka ko te afā ko gasolo eiloa o malosi, tela ko se mafai eiloa ne latou o ālo ki uta.

14Tela ka'laga ei latou ki te Aliki, “Te Aliki, ko talo atu matou ke sa fakasala matou ki te mate manafai e 'pei ne matou a Iona ki te 'tai! Te Aliki, ko koe eiloa e pule i te mea tenei e tupu, e a koe a faiga konei.”

15Tela pei ei ne latou a Iona ki te tai, te mea eiloa ko malu fakavave te afā.

16Ne fai te mea nei mo mea e ma'taku ei te kauvaka ki te Aliki, fai ei ne latou te taulaga ki te Aliki, kae tauto foki me ka tavini latou ki a ia.

17 Mata 12.40 Ne fakatonu ne te Aliki te ika lasi ke folo ne ia a Iona kae ne nofo a ia i te tinae o te ika e tolu ao tolu po.