1Ne toe ma'laga atu a tino Isalaelu ki koga kogā laugatasi o Moapi, i te feitu ki te saegala o te Iolitana, kae 'luta tonu mo te fa'kai o Ieliko; i kona ne fakama'nava ei latou.
2I te logoga o Palako, te tupu o Moapi kae ko te tama tagata a Sipola i te mea ne fai ne tino Isalaelu ki tino Amoli,
3tena ne ma'taku ei latou.
4Ne fai atu a tino Moapi ki takitaki o tino Mitiana, “Ko se leva nei kae palele a mea i tafa o tatou ne fakamasei ne te potukau tenei, e pela me se pulumakau tagata e kai faka'ma ne ia a mouku i se malae mouku.”
5Nume 31.8; 2Pete 2.15,16; Iuta 11 Tena, ne uga ei a te fekau a Palako ki a Palaamo te tama tagata a Peolo ke fanatu ki a ia. A Palaamo e nofo i Petolo, i tafa o te Vaitafe o Eufilate i te fenua o tino Amao. Ne olo atu a avefekau a Palako mo te fekau tenei ki a Palaamo: “E fakailoa atu ne au me e isi se malo tenei ne vau mai Aikupito; a tino o te malo tenei ko salalau i koga valevale, kae konei e taumafai o fao te tou fenua.
6E tokouke atu latou i a matou, tela la, fakamolemole, vau aka o fakamalaia latou; setaumate ka mafai ei ne tatou o fakatakavale kae afuli keatea a latou mai te tou fenua. E iloa ne au me kafai e fakamanuia ne koe a tino, e taunu eiloa, e pena foki manafai e fakamalaia ne koe.”
7Tena, ne olo atu ei a takitaki o tino Moapi mo takitaki o tino Mitiana mo te tupe e togi ei Palaamo ke muna tuku ne ia a tino Isalaelu.
8Muna a Palaamo ki a latou, “Moe i konei i te po nei, taeao ko fakailoa atu ne au a te tali a te Aliki.” Tena, nofo ei a takitaki o Moapi mo Palaamo i te po tena.
9Ne vau te Atua ki a Palaamo kae fesili mai penei, “Ko oi a tino konei ne o'mai ki a koe?”
10Ne tali atu a Palaamo penei, “A tino konei ne uga mai ne Palako o fakailoa mai ki a au
11me e isi se malo ne vau mai Aikupito, kae konei ko salalau valevale i luga i te fenua katoa. A ia e manako ke fakamalaia ne au a te malo tena, ko te mea ke mafai ne ia o fakatakavale kae afuli keatea.”
12Muna a te Atua ki a Palaamo, “Sa fano i tino kona, sa fakamalaia foki ne koe a tino Isalaelu me i a latou ne fakamanuia ne au.”
13I te taeao o te sua aso, ne fanatu ei a Palaamo ki tino kola ne o'mai mo te fekau mai a Palako kae fai atu penei, “Foki nei ki te koga ne o'mai ei koutou; e se talia ne te Aliki ke fanatu au i a koutou.”
14Tena, ne foki atu ei a avefekau kona ki a Palako kae fakailoa atu ki a ia i a Palaamo e ita ma vau i a latou.
15Tena, ne toe uga atu foki ne Palako a takitaki e tokouke, kola e taulia atu i te kau kola muamua.
16Ne olo atu latou konei mo te fekau tenei mai i a Palako: “Fakamolemole, a koe ke vau eiloa ki a au!
17Ka togi ne au a koe ki mea e uke kae fai so se mea e manako koe ki ei. Fakamolemole, vau o fakamalaia aka a tino konei.”
18Kae ne tali atu a Palaamo penei, “E ui eiloa e tuku mai ne Palako a siliva mo aulo katoa i tena palesi, ka ko au e se mafai eiloa o teke a te fakatonuga a te Aliki toku Atua, faitalia me se fakatonuga foniki io me se fakatonuga lasi.
19Kae fakamolemole, nofo ke moe tatou i te po nei, ke toe fakalogologo aka au me e isi ne muna a te Aliki e fia fai mai ki a au, me e seai.”
20I te po tena, ne vau a te Aliki ki a Palaamo kae fai mai penei, “Kafai a tino konei ne o'mai ke olo koutou, fakatoka la ke olo koutou, kae masaua o fai eiloa a te mea e fai atu ne au.”
21Tena, taeao ake, ne fakatoka te asini a Palaamo olo atu eiloa mo takitaki o Moapi ki te lotou tupu.
Ko Palaamo mo Tena Asini22Ne ita te Atua i a Palaamo ne fano, tela la, ne uga ne te Atua a tena agelu ke pono ne ia a te auala o Palaamo tela e fanatu i luga i tena asini, mo tena tokolua tavini e tautali i a ia.
23I te laveaga ne te asini a te agelu e tu i te auala mo te pelu e puke i tena lima, ko te asini eiloa ko fakapiko keatea mo te auala o fano ki fatoaga. Ne kini ne Palaamo a tena asini ke toe foki ki te auala.
24Ne fanatu te agelu, o tu i te koga lauliki o te auala, i te va o toga vine e lua kola e pui ki fatu.
25I te toe laveaga ne te asini a te agelu, ne fakatafa atu a ia faī ki te pui fatu tela ne itia ei te vae o Palaamo. Tena, ne toe kini foki ei ne Palaamo a tena asini.
26Ne toe fanatu te agelu o tu i te koga lauliki eiloa o te auala, tela ko seai se avanoa o te asini e mafai ei o fakatafa i so se feitu o te agelu.
27I te laveaga ne te asini a te agelu, ko te mea eiloa ko takato ifo ki lalo. Ne kaitaua Palaamo, kini ei ne ia a te asini ki tena tokotoko.
28Tena, ne fai ei ne te Aliki a te asini ke mafai o faipati, tela ne fai atu ei te asini ki a Palaamo penei, “Se a taku mea ne fai ki a koe? Ai a ne kini fakatolu ei ne koe au?”
29Ne tali atu Palaamo, “Au ko pela me se vale ne fai ne koe! Moi ne isi saku pelu ko oti koe ne tamate ne au.”
30Ne fai atu te asini penei, “Ko au eiloa tenei ne sopo sale ei koe i tou olaga katoa. Kai fai eiloa ne au se mea penei ki a koe?”
Ne tali atu Palaamo, “Ikai.”
31Tena, ne fai ei ne te Aliki ke lavea ne Palaamo a te agelu tela e tu mo tena pelu i te koga tena. I te laveaga ne Palaamo a te agelu, ko ia eiloa ko fakasiga ifo ki lalo mo ana mata e fuli ki lalo i te laukele.
32Muna a te agelu, “Ai a ne kini fakatolu ei penei ne koe a tau asini? Au ne vau o pono tou auala, me e se tau koe o fano i te malaga tenei.
33Ne matea au ne tau asini, tela la, ne fakaseke keatea eiloa a ia e fakatolu taimi. Moi ne seki fakaseke, e penei e tamate ne au a koe kae sao tau asini.”
34Ne tali atu Palaamo, “Au ko agasala. E seiloa lele eiloa ne au i a koe ne tu sale i te auala o pono au; kae nei la, kafai e iloa ne koe me e se tau mo au o fano, ko tena uiga ko au ka foki.”
35Kae ne fai atu a te agelu penei, “A koe e fano i tagata kona, kae masaua me e fai fua ne koe a te mea e fai atu ne au.” Tena, ne fano eiloa Palaamo i tagata kona.
Ko Fakafetaui ne Palako a Palaamo36I te Iogoga o Palako i a Palaamo tela ko vau, ne fanatu ei a ia o fakafetaui a Palaamo i te fa'kai o Ala, tela e tu i te Vaitafe o Alinona, i te tuakoi o Moapi.
37Ne fai atu a Palako ki a Palaamo penei, “Ai a seki vau ei koe i te taimi muamua? A koe ne mafaufau pela me e se lava tou togi i a au?”
38Ne tali atu Palaamo penei, “Tenei au ko vau, kae masaua me e seai se mea e mafai ne au o fai. A te mea e fai ne au ko te mea e fai mai ne te Atua.”
39Tena, ne olo atu ei a Palako mo Palaamo ki te fa'kai o Husota,
40te koga ne ta ei ne Palako a pulumakau mo mamoe kae ne tuku ne ia ne kano o manu kona ma Palaamo, pela foki a takitaki kola ne o'mai mo Palaamo.
Ko Muna Fakapelofeta Muamua a Palaamo41I te tafataeao o te sua aso, ne taki ne Palako o Palaamo ki te taulu o te mauga o Pamota Paala, ke matea faka'lei ne Palaamo a te vaega e tasi o tino o te fenua o Isalaelu.
Who We AreWhat We EelieveWhat We Do
2025 by iamachristian.org,Inc All rights reserved.
