AMOSA Fakatomuaga - Tuvalu Revised Bible

FakatomuagaA Amosa ko te pelofeta muamua eiloa i te Tusi Tapu, tela ne mua o fakamau tena talaiga ki te tusi. E ui eiloa i a ia se tino o se fa'kai i Iuta, kae ne lauga atu a ia ki tino o te malo o Isalaelu ki matu, i te kogaloto o te valu o senetenali T. M. K. Ko te taimi tonu tena o te maumea lasi, mo te tulaga iloga o tapuakiga, e pela foki mo te iloa tonu o te manuia mo te saogalemu. Ka ko Amosa ne matea ne ia a te maumea mo te manuia tena, e fakasino fua ki tino maukoloa, tela e fakagalue i luga o te fai mea se tonu mo te fakasaua ki tino ma'tiva. A faifaiga o tapuakiga e se fai mo te fakamaoni; a te saogalemu foki o tino, e pela fua me se ata kae se se mea tonu. Ne lauga atu a Amosa mo tona kaitaua fakatasi mo tona loto toa, o fakailoa atu i te Atua ka fakasala ne ia te fenua. Ne kalaga atu a ia, ko te fai mea tonu ke tafe e pela me se vaitafe, kae fai atu foki penei, “E se taumate ka alofa mai te Aliki ki tino o te fenua tenei, kola koi ola.” (Amosa 5.15)Ko Fakasologa o MataupuKo te fakamasinoga o fenua pili ki Isalaelu 1.1—2.5Ko te fakamasinoga o Isalaelu 2.6—6.14Ko fakaasiga e lima 7.1—9.15