1Ne toe agasala Isalaelu ki te Aliki, tena ne tuku atu ei latou ke pule ne tino Filisitia i tausaga e fasefulu.
2I te taimi tena, e isi se tagata e igoa ki a Manoa mai i te fa'kai o Sola. A ia se tino mai i te matakaiga o Tanu. A tena avaga e pa, e se fanau.
3Ne fanatu te agelu a te Aliki ki te avaga a Manoa, kae fai atu penei, “E seki ai eiloa se tamaliki a koe kai maua, ko pili nei kae faitama koe ko fanau mai ei ne koe se tamaliki tagata.
4Taumafai o sa inu ki se uaina io me ne pia, io me kai ki meakai kola e se tau o kai.
5 e kamata mai te taimi e fanau mai ei a ia. Tena, ka galue ei a ia o fakasao Isalaelu mai i tino Filisitia.”
6Tena ne fanatu ei te fafine tena ki tena avaga kae fai atu penei, “E isi se tagata o te Atua ne vau ki a au, kae ko oko eiloa i te fakamataku e pela eiloa mo te agelu a te Atua. Au seki 'sili ki ei me ko ia ne vau mai fea, kae e seki taku mai foki ne ia tena igoa.
7Ne fai mai ki a au, i a au ka faitama kae fanau ne au se tama tagata. Ne fai mai foki ke tapu au e inu i ne uaina io me ne pia, io me kai i ne meakai kola e se tau o kai, me i te tamaliki ka fakatapu ki te Aliki ke fai mo Naseli i tena olaga katoa.”
8Tena ne talo atu ei a Manoa ki te Aliki, muna a ia, “Te Aliki, fakamolemole, toe uga mai aka te agelu a te Atua ke toe vau ki a maua o fakaasi mai te mea e tau o fai ne maua ki te tamaliki manafai ko fanau mai.”
9Ne fai eiloa ne te Aliki te mea tela ne fakamolemole mai ki ei Manoa, tena ne toe foki mai ei te agelu ki te fafine tena i te taimi ne sagasaga ei a ia i te fatoaga. A tena avaga i te taimi tena e se nofo i kona,
10tena ne tele atu ei a ia ki tena avaga kae fai atu penei, “Kiloke! A te agelu tela ne vau ki a au i te taimi tela, tenei foki ko toe vau.”
11Ne tu aka Manoa, tautali atu eiloa i tena avaga. Ne fanatu a ia ki te agelu kae fai atu penei, “Ko koe tena ne faipati ki taku avaga?”
Ne tali mai a ia, “Ao.”
12Ne fesili atu Manoa penei, “Kafai la ko taunu au muna, se a te mea e tau o fai ne maua ki te tamaliki? Se a te olaga e tau o ola ei a ia?”
13Ne tali mai te agelu, “A tau avaga e tau o fai ne ia a mea katoa kola ne fai ne au ki a ia.
14Se tau lele mo ia o kai ki ne mea ne faite mai vine; e se tau mo ia o inu ki uaina io me ne pia, io me kai ki meakai se tau o kai. E tau eiloa o fai ne ia a mea katoa kola ne fai atu ne au ki a ia.”
15-16E se iloa ne Manoa i te tagata tena ko te agelu a te Aliki, tena ne fai atu ei a ia ki ei penei, “Fakamolemole, sa fano mua. Fakatali mai ke tunu ne maua se tamā kouti ma koe.” Kae ne fai atu a te agelu penei, “Kafai au e nofo, au e se kai ki te meakai a koulua tena. Kae kafai e ma'nako eiloa koulua o fakatoka te meakai tena, ko 'sunu aka ei ke fai mo taulaga ki te Aliki.”
17Ne tali atu Manoa penei, “Taku mai tou igoa, ko te mea ke mafai ne maua o tavae koe, manafai e taunu au muna ne fai mai.”
18Ne fesili atu te agelu penei, “Ai a e manako ei koe ke iloa ne koe toku igoa? A toku igoa se igoa fakaofoofogia.”
19Tena, ne puke aka ei ne Manoa se tamā kouti mo ne mu saito, ofo atu ei ne ia i luga i te fata-fai-taulaga kaupapa ki te Aliki tela e fai mea fakaofoofogia.
20-21I te taimi ne ula aka ei te afi mai te fata-fai-taulaga, ne matea ei ne Manoa mo tena avaga a te agelu a te Aliki e fanake ki te lagi i te ulafaga o te afi. Tena, ne iloa aka ei ne Manoa i te tagata tena ko te agelu a te Aliki, tena ne fakasiga ifo ei a ia mo tena avaga ki lalo i te laukele. Tena, seki toe matea ei ne laua te agelu.
22Muna a Manoa ki tena avaga, “A taua e iku eiloa o mate, me ko oti ne lavea ne taua te Atua!”
23Kae ne tali atu tena avaga penei, “Kafai ne manako te Aliki o tamate taua, e penei e se talia ne ia a te taulaga a taua, io me fakaasi mai ne ia a mea katoa konei ne fakailoa mai ne ia.”
24Tena, ne fanau mai te avaga a Manoa, se tamaliki tagata fakaigoa ei ne ia ki a Samasoni. Ne tupu aka te tamaliki, kae ne fakamanuia ne te Aliki.
25Ka ko te Aliki ne tuku atu ne ia ki ei te malosi, i te taimi koi nofo ei i te koga e nofo ei a tino o te Matakaiga o Tanu, i te va o Sola mo Esetaolo.
Who We AreWhat We EelieveWhat We Do
2025 by iamachristian.org,Inc All rights reserved.
