SALAMO 12 - Tuvalu Revised Bible

Ko te 'Talo mo se Fesoasoani

1Te Aliki, fesoasoani mai ki a matou!

Ko seai nei se tino amiotonu e 'toe;

Ko se mafai o toe maua se tino fakamaoni.

2Ko fakatau 'loi a tino katoa i a latou eiloa;

Kae takolekole te sua tino ne te sua tino ki pati fakaloiloi.

3Te Aliki, taofi atu a gutu o tino takolekole,

Kae 'pono atu a gutu o tino fakamatamata, kola e fai ake pela,

4“Ko omotou pati e maua ei ne matou te mea e ma'nako matou ki ei.

E faipati eiloa matou ki te mea e manako matou ki ei,

Kae seai eiloa se tino e mafai o taofi matou.”

5Muna a te Aliki, “Au ka fanatu ki a koe,

Me ko fia maua se fesoasoani ne tino puapuagatia,

Ko lagona foki ne au a te tagi o tino ne fakasauagina.

Ka avatu foki ne au te filemu e pela mo te mea e ma'nako latou ki ei.”

6A folafolaga a te Aliki e fakatuagagina,

E 'ma katoatoa pela me se siliva tela ko oti ne faka'ma fakafitu i te ogaumu.

7-8Te Aliki, ko 'fonu a koga katoa i tino amio masei,

Ka ko tino katoa ko viki ki mea masei.

Te Aliki, tausi mai matou,

kae fakamao mai matou mai tino pena.