1Ne talo atu te Tupu ko Solomona penei,
“Te Aliki, a koe ne loto o nofo i kaumana mo te pouliga.
2Ko oti nei ne faite ne au se Faletapu 'malu mō koe, se koga
mo ou nofo ki te se gata mai.”
3A tino Isalaelu katoa e tu i kona. Ne mafuli atu te tupu ki a latou kae kalaga atu ki te Atua ke avatu tena fakamanuiaga ki a latou.
42Samu 7.1-13; 1NTupu 17.1-12 Muna a ia penei, “Tavae atu te Aliki te Atua o Isalaelu! Ne tausi eiloa ne ia tena tautoga ki toku tamana ko Tavita, i tena faiatuga ki a ia penei,
5‘Mai i te taimi ne aumai ei ne au toku fenua mai i Aikupito ke oko mai ki te taimi tenei, e seki ai eiloa se fa'kai i te fenua o Isalaelu ne fili ne au ke faite i ei se faletapu e tapuaki mai ei a tino ki a au, ne seki fili foki eiloa ne au se pule mō tino Isalaelu
6Kae nei, ko oti ne fili ne au a Ielusalema ke fai mo koga e tapuaki mai ei a tino ki a au, ka ko koe, Tavita, ne fili ne au ke pule ne koe oku tino. ”’
7Ne faipati eiloa Solomona, ana muna, “A toku tamana ko Tavita ne mafaufau o faite se faletapu mo fai tapuakiga ki te Aliki te Atua o Isalaelu,
8ka ko te Aliki ne fai ki a ia penei, ‘E tonu tou manatu ke faite se faletapu mō oku,
9kae e se faite ne koe. Ko tau tama tagata, tau tama tagata tonu eiloa, ko ia ka faite ne ia toku faletapu.’
10“Ko lavea atu nei, i te Aliki ne tausi eiloa ki tena tautoga: ne sui ne au toku tamana o fai mo tupu o Isalaelu, kae ko oti foki ne faite ne au se faletapu e tapuaki ei a tino ki te Aliki te Atua o Isalaelu
11Ko oti ne tuku ne au ki loto i te Faletapu a te Pusa o te Feagaiga, tela e i loto a papa fatu o te feagaiga ne fai ne te Aliki mo tino Isalaelu”
Ko te Talo a Solomona(1Tupu 8.22-53)12Tena la, ne fanatu ei a Solomona, i mua o te fenua, o tu i mua o te fata-fai-taulaga o talo, mo ona lima e sisi ki luga.
13E isi se tulaga palasi ne faite ne Solomona, kae tuku i te kogaloto o te koga fono. A te tulaga tena e tusa mo te lua tesimale lua mita a feitu katoa, kae e tasi tesimale tolu mita te maluga. Ne sopo ake a Solomona ki luga i te tulaga tena, totuli ki lalo i mua o te fenua katoa, kae sisi ona lima ki luga i te lagi.
14Ne talo a ia penei, “Te Aliki te Atua o Isalaelu, e seai se atua e pau mo koe i te lagi io me i te lalolagi. E tausi eiloa ne koe tau feagaiga ne fai mo latou, kae e fakaasi foki ne koe tou alofa ki a latou manafai e nofo faeloa latou mo te fakalogo ki a koe.
15Ne tausi eiloa ne koe tau feagaiga ne fai ki toku tamana ko Tavita; a muna katoa a koe ko taunu i te aso nei.
161Tupu 2.4 Te Aliki te Atua o Isalaelu, masaua i te taimi nei o tausi te sua feagaiga a koe ne fai ki toku tamana, i tau faiga ki ei me ka isi faeloa se tino i tena gafa e fai mo tupu o Isalaelu, manafai e tautali fakamaoni ki au Tulafono, e pela eiloa mo ia.
17Tela la, te Aliki te Atua o Isalaelu, ke fakataunu aka eiloa ne koe a mea katoa kola ne tauto ne koe ki tau tavini ko Tavita.
18 2NTupu 2.6 “Te Atua, e tonu e mafai ne koe o nofo fakatasi mo tagata mo fafine i te lalolagi nei? A te lagi katoa e se lava mo ou nofo, kae e pefea eiloa koe o ofi i te Faletapu tenei ne faite ne au?
19Te Aliki toku Atua, au ko tau tavini. Fakalogo mai ki taku talo, kae talia mai a mea e fakamolemole atu ei au.
20Teu 12.1 Tausi fakalei a te Faletapu tenei i ao mo po. A koe ne tauto, me e tenei te koga e tapuaki atu ei a tino ki a koe, tela la, fakalogo mai manafai e fakasaga oku mata ki te Faletapu kae talo.
21Fakalogo mai ki aku talosaga mo talosaga a tou fenua ko Isalaelu manafai e fakasaga ki te koga tenei kae talo. Fakalogo mai ki a matou mai i tou fale i te lagi, kae fakamagalo mai matou.
22“Kafai se tagata ne moli mai me ne fai ne ia se mea se ki te sua tino, kae ko aumai ki te fata-fai-taulaga i te Faletapu tenei, ke fai sena tautoga i a ia e se se,
23te Aliki, fakalogo mai i te lagi kae fakamasino mai tau tavini. Fakasala manafai e 'se, kae fakasao manafai e se 'se.
24“Kafai ko takavale tou fenua ko Isalaelu i olotou fili, me ne agasala ki a koe, kae kafai ko toe fuli atu ki a koe o o'mai ki te Faletapu tenei, o talo atu mo te fakamaulalo, ke fakamagalo olotou agasala,
25fakalogo mai ki a latou mai i te lagi. Fakamagalo mai olotou agasala, kae fakafoki mai latou ki te fenua tenei ne avatu ne koe mō latou, pela foki ki olotou tupuga.
26“Kafai ko se faka'to ne koe te vaiua ki tou fenua, me ne agasala ki a koe, kae kafai ko sala'mo latou kae saga mai ki tou Faletapu, o talo atu ki a koe mo te loto maulalo,
27te Aliki, fakalogo mai ki a latou mai i te lagi kae fakamagalo mai a agasala a au tavini, ko tino Isalaelu, kae akoako mai ke fai ne latou te mea tonu. Tena la, te Aliki, ko faka'to mai ei ne koe te vaiua ki luga i tou fenua, tenei ne tuku ne koe ke fai mo tofi tumau o ou tino.
28“Kafai ko poko se oge i te fenua, io me sē famai, io me ko lakau kaina ko fakamasei i te matagi vela io me ko se akelise, io me ko tino ko ta ne olotou fili, io me ko masaki o tino,
29a koe ke fakalogo mai eiloa ki olotou talosaga. Kafai e isi ne tino Isalaelu, ona ko te loto fanoanoa, ko fola mai olotou lima o talo kae fakasaga mai ki te Faletapu,
30fakalogo ki olotou talo. Fakalogo mai ki a latou mai i tou fale i te lagi kae fakamagalo mai latou. Ko koe fua tokotasi e iloa ne koe a loto o tino. Fai eiloa ne koe ki te tino e tusa mo ana mea ne fai,
31ko te mea ke ma'taku atu ou tino ki a koe, kae fakalogo atu ki a koe i taimi katoa e nofo ei latou i te fenua ne tuku ne koe mo omotou tupuga.
32“Kafai se tino fakaatea e nofo i se fenua mao, e logo i tou mana mo tou malosi, kae logo foki i a koe e toka faeloa o fai se mea e manako ki ei te tino, kae ko vau o talo atu i te Faletapu tenei,
33fakalogo ki tena talo. Fakalogo mai ki a ia, mai i tou fale i te lagi, kae fai te mea e manako a ia ki ei, ko te mea ke iloa koe ne tino o te lalolagi kae fakalogo atu ki a koe e pela mo tino o tou fenua ko Isalaelu Tena, ka iloa ei ne latou me i te Faletapu tenei ne faite ne au, ko te koga e tapuaki atu ei a tino ki a koe.
34“Kafai ko fakatonu ne koe tou fenua ke olo o taua ki olotou fili, kae ko talo mai latou ki a koe, i so se koga e nofo ei latou, kae fakasaga mai ki te fa'kai tenei, tela ko oti ne filifili ne koe, mo te Faletapu tenei ne faite ne au,
35fakalogo mai ki olotou talo. Fakalogo mai ki a latou mai i te lagi kae avatu ki a latou a te manumalo.
36“Kafai ko agasala atu tou fenua ki a koe — kae e seai eiloa se tino e seki agasala — kae i tou kaitaua ne tuku atu ei ne koe ke fakatakavale latou ne olotou fili kae ave fakapagota ki ne fenua fakaatea, kafai e mao te fenua tena,
37kae ke fakalogo eiloa koe ki talosaga a ou tino. Te Aliki, kafai ko salamo latou i te fenua tena, kae talo mai ki a koe ke fakamagalo atu olotou amioga se lei, fakalogo mai ki olotou talo.
38Kafai e sala'mo fakamaoni eiloa latou i te fenua tena, kae ko talo atu ki a koe kae saga mai ki te fenua tenei, tela ne tuku ne koe ki olotou tupuga, ki te fa'kai tenei ne filifili ne koe, pela foki ki te Faletapu tenei ne faite ne au mō koe,
39fakalogo mai eiloa ki olotou talo. Fakalogo mai ki a latou mai i tou fale i te lagi, kae alofa mai o fakamagalo a agasala katoa a latou.
40“Toku Atua, kilo mai nei ki a matou, kae fakalogologo mai ki talosaga konei e tuku atu ne matou i te koga tenei.
41Sala 132.8-10 Te Aliki te Atua, tu mai ki luga o ulu fakatasi mai mo te Pusa o te Feagaiga o nofo i ei ki te se gata mai. Fakamanuia atu au faitaulaga i olotou mea katoa e fai, ka ko tou fenua ke fiafia ona ko tou aga'lei ki a latou.
42Te Aliki te Atua, sa ita ki te tupu ne filifili ne koe. Masaua tou alofa ki tau tavini ko Tavita.”
Who We AreWhat We EelieveWhat We Do
2025 by iamachristian.org,Inc All rights reserved.
