1Au nei se pula fua o te vao i Salona,
Se lili i te vanu i va o mauga.
Ko muna a te Tagata2E fakatusa ne au taku pele ki nisi fafine,
E pela me se pula o te lili i loto i se vao lakau talatala,
E pena taku pele ma nofo tasi mo nisi fafine.
Ko muna a te Fafine3E fakatusa ne au taku pele ki nisi tagata
E pela me se lakau ko te apolo e tu i loto i lakau o te vao,
E fia sagasaga au i tena maluga,
Ka ko tena fuaga e logotonu ki toku gutu.
4Ne aumai ne ia au ki te potu fai kaiga o ia,
kae sisi aka ne ia te fakailoga o te alofa ki a au,
5Tuku mai ne vine ke kai au, ke foki mai toku malosi,
Kae aumai ne apolo ke kai ei au ke malosi toku foitino!
Au ko vaivai i toku alofa.
6A tena lima fakamaui e aluga ei au,
Ka ko tena lima fakaatamai e sai mai ki a au.
7Fa'fine o Ielusalema, tauto mai ki a au i te igoa o te tia tele makini mo kasele,
Ke se fakalavelave ne koutou te famau a maua.
Ko te Lua o PeseKo muna a te Fafine8E lagona ne au te leo o taku pele.
E tele mai mai luga o mauga o vau ki a au.
9A taku pele e pela me se kasele, e pela foki me se tamā tia tagata.
Tena e tu mai i tafa o te 'pui.
E fatio mai a ia i te fakamalama
Kae kilo mai foki mai pūga o te mataloa.
10A taku pele ko faipati mai ki a au.
Ko muna a te TagataTaku pele, vau,
Taku fagasele, vau ke olo taua.
11Ko gata te tau moko; ko seai ne vaiua;
12A pula i tua o te fa'kai ko ma'tala.
Tenei te taimi e usu pese ei tatou;
A pese a lupe e lagona atu i fatoaga.
13A mati ko kamata o 'sulu;
Kae ko pusaki mai foki te manogi o pula o vine.
Vau taku pele;
Taku fagasele, vau ke olo taua.
14A koe e pela me se lupe tela e muni i te pu o te papa.
Vau ke lavea faka'lei ne au ou mata 'gali,
Ke lagona foki ne au tou leo fakaotia loto.
15Ke afuli aka a alope, alope foliki
Koi tuai o fakamasei ne latou te togavine
A tatou tenei ko 'fua faka eiloa.
Ko muna a te Fafine16A taku pele e a aku, ka ko au e a ia.
E fagai ana mamoe i te va o lili
17Ke oko ki te taimi e agi moko mai ei te matagi o te vaveao,
Kae ko teka atu a te pouliga.
Taku pele, foki mai e pela me se kasele,
Pela me se tia tagata i luga i te Mauga o Petela.
Who We AreWhat We EelieveWhat We Do
2025 by iamachristian.org,Inc All rights reserved.
