2 SAMUELU 19 - Tuvalu Revised Bible

Ioapo ko ita ki a Tavita

1Ne logo a Ioapo i a Tavita tela e tagi fanoanoa ona ko Apisaloma.

2Tela la, a te fia'fia o te kau a Tavita i te lotou manumalo ko 'fuli nei ki te fanoanoa, me ko logo latou i a Tavita tela e tagi fanoanoa i te mate o Apisaloma.

3Ne ulu atu latou ki loto i te fa'kai, seai eiloa se tino e logoa, pela eiloa me ne sotia ko masiasi me ne tele keatea mai te taua.

4Ne pono a lima o te tupu ki ona mata kae tagi pakalaga penei, “Oi aue taku tama! Taku tama ko Apisaloma! Apisaloma e, taku tama!”

5Ne fanatu a Ioapo ki te fale o te tupu kae fai atu ki a ia penei, “Ko oti ne fakaseaoga nei ne koe tau kautau i te aso nei, ko latou kona ne fakasao ne latou a tou ola, pela foki mo te ola o au tama tagata mo tama fafine, mo au avaga tonu, mo au avaga fakasalasala.

6Ko teke nei ne koe a tino kola e tau'tali atu i a koe, kae ko kau koe ki tino kola e takalialia i a koe! Mai luga i tau mea tena ne fai, ko iloa ei ne tau kau mo au ofisa i a latou e se aoga i ou manatu. E lavea faka'lei atu eiloa nei ne au, me e sili tou fiafia moi ne ola mai a Apisaloma i te aso nei, kae 'mate katoa matou.

7Fano nei o toe faipati faka'lei ki tau kau. Au e tauto i te igoa o te Aliki me kafai e se fano koe o fai te mea tena, ko tena uiga ka seai eiloa se tino i a latou e 'toe mai i ou tafa i te tafataeao taeao. Kaati tena foki eiloa te fakalavelave ki a koe ka tafasili i te masei i tou olaga katoa.”

8Tena ne tu aka te tupu, fano eiloa o sagasaga i tafa o te mataloa o te fa'kai. Ne logo tena kau i a ia ko oko atu ki kona, tena ne maopoopo atu ei latou ki a ia i kona.

Tavita ko Foki ki Ielusalema

I te vaitaimi tena, a tino Isalaelu katoa ko oti ne fakatau sola katoa ki olotou fale.

9Ne fakatau fakakinau sale a tino Isalaelu i kogā koga katoa i luga i te fenua, muna a nisi tino ki nisi tino, “A tatou ne fakasao ne Tavita mai fili o tatou. Ne fakasao ne ia tatou mai te kau Filisitia, kae nei ko tiaki ne ia te tou fenua, me ko tele keatea mai i a Apisaloma.

10Ne faū ne tatou a Apisaloma ke fai mo tupu o tatou, kae nei ko oti a ia ne mate i te taua. Ai a la se taumafai ei tatou o fakafoki mai a Tavita?”

11Ne logo a Tavita i muna a tino Isalaelu e uiga ki a ia, tena ne uga ei ne ia a faitaulaga ko Satoka mo Apiata o fesili atu ki takitaki o Iuta penei, “Kaia ka fai ei koutou mo tino fakamuli, o fesoasoani i te fakafoki maiga o te tupu ki tena palesi?”

12A koutou ko oku kaiga, ko oku kano mo oku toto; ai a ne tuai ei koutou o taumafai o fakafoki atu au?”

13Ne fai foki Tavita ki a Satoka mo Apiata ke fai atu te fekau tenei ke fakasopo nei ne au a koe ke fai mo takitaki o te kautau o sui a Ioapo. Ke tamate au ne te Atua manafai e se fakataunu ne au a te mea tena!”

14Ne toe ma'fuli katoa atu eiloa a loto o tino o Iuta ki a Tavita i ana pati kola ne fai, tena ne uga atu ei ne latou te fekau ki a ia mo ana ofisa katoa ke foki atu.

15I te auala o te tupu o foki atu ki tena palesi, kae ne fakafetaui atu ki a ia a tagata o Iuta i te Vaitafe o Iolitana. A latou ne o'mai mai Kilikala o taki atu Tavita ki te sua feitu o te vaitafe.

16 ki te sua feitu o te vaitafe o 'taki mai te tupu mo tena kau, kae o fai foki so se mea e manako ki ei te tupu.

Tavita ko Fakaasi tena Alofa ki a Simei

I te taimi ko fakatoka ei te tupu o fanatu ki te sua feitu o te vaitafe, kae ne vau Simei, fakasiga ifo i mua o te tupu,

19kae fai atu penei, “Tou Malu, fakamolemole fakamagalo mai au e uiga ki te mea 'se tela ne fai ne au ki a koe i te aso ne tiakina ei ne koutou a te fa'kai o Ielusalema. Sa toe mafaufau ki ei, io me 'teu i tou loto.

20Tou Malu, e iloa ne au i a au ko oti ne agasala, tena te mea e lavea mai ne koe, me ko au eiloa te tino muamua mai tino i matakaiga ki matu, tenei ko oko mai o fakafetaui ki tou malu i te aso nei.”

21Ne faipati aka Apisai te tama a Seluia penei, “A Simei e tau o tamate me ne munatuku ki a ia tela ne filifilia ne te Aliki ke fai mo tupu.”

22Kae ne fai atu a Tavita ki a Apisai mo tena taina ko Ioapo penei, “Ko oi te tino ne fai atu ke faipati mai koe? Sa aumaigina se fakalavelave ki a au. Ko au tenei e tupu i luga i Isalaelu i te taimi nei, tela la, e seai se tino Isalaelu e tamate i te aso nei.”

23Muna a ia ki a Simei, “Au e tauto i a koe e se tamate.”

Tavita ko Fakaasi a tena Alofa ki a Mefiposeta

24 2Samu 9.1-13; 16.1-4 A Mefiposeta, te mokopuna o Saulo, ne fano foki o fakafetaui ki a Tavita. Talu mai te taimi ne tiakina ei ne Tavita te fa'kai o Ielusalema ke oko mai foki eiloa ki tena fokimaiga tenei mo te manumalo, a Mefiposeta e seki fulu eiloa ana vae, io me vele ona talafa, io me e ta ona gatu.

25I te okoatuga a Mefiposeta mai i Ielusalema o fakafetaui ki te tupu, kae ne fai atu mo te tupu penei, “Mefiposeta, ai a seki vau ei koe i a au?”

26Ne tali atu Mefiposeta, “Tou malu, e iloa eiloa ne koe i au se tino e pili oku vae. Au ne fai ki taku tavini ke fakatoka faka'lei aka taku asini ke fanatu au i a koe, kae ne seki fai ne ia.

27Ne fakaloiloi ne ia koe i a au e se fia fanatu, ka ko koe e pela eiloa me se agelu a te Atua, tela la, fai eiloa te mea e faka'tau ifo koe e tau o fai.

28Tou Malu, a tino katoa i te kaiga o toku tamana e tau eiloa o tamate katoa ne koe, kae tenei eiloa au e fakasaoloto ne koe ke kai fakatasi faeloa tatou i tau taipola. E se toe 'tau eiloa mo au o fakamolemole atu ki tou malu, ki se mea e manako au ki ei.”

29Ne tali atu te tupu, “Ko 'lei. Ko oti ne iku i a au ke vaelua a manafa o Saulo i a koulua mo Sipa.”

30Ne tali atu Mefiposeta, “Ke tuku katoa ma Sipa. Ko lava eiloa au, i a koe tenei ko oko mai mo te saogalemu.”

Tavita ko Fakaasi Tena Alofa ki a Pasilai

31 2Samu 17.27-29 A Pasilai, mai Kileata, ne vau foki mai Lokelima o taki atu te tupu ki te sua feitu o te Iolitana

32A Pasilai se toeaina ko matua, me ko valusefulu ona tausaga. Ko ia eiloa ko maumea, kae ne ave sale ne ia a meakai a te tupu i te taimi ne nofo ei i Manaima.

33Ne fai atu te tupu ki a ia penei, “Vau ke olo tatou ki Ielusalema ke tausi koe ne au.”

34Kae ne tali atu Pasilai, “Toku ola ko toetoe; se a te aoga e fanatu ei au i a koe ki Ielusalema?

35Au nei ko valusefulu oku tausaga; ko seai se mea e fiafia au ki ei i te olaga nei. Ko se lagona ne au te gali o aku mea e kai kae inu, kae ko se lagona foki ne au a leo o tino usu pese. Ka fai fua au mo mea e fakafita ei koe.

36Ko to lei tau mea tena ka fai ki a au, i a au se tagata fua e seai se aoga. Au ka fanatu fua i a koutou ke tai 'mao atu mai te Iolitana,

37ko tuku mai ei au ke foki atu ki toku fale, ke mate eiloa au i tafa o te tanuga o oku matua. Tenei taku tama tagata ko Kimeama ke tavini atu ki a koe. Tou Malu, puke atu ke olo mo koutou, kae avatu foki ki a ia so se mea e fakatau ifo koe e lei.”

38Ne tali atu te tupu, “Ka puke ne au ke olo matou, kae fai ne au ki a ia a te mea e manako koe ki ei. Ka ko koe, so se mea e manako koe ki ei, fai mai me e fai eiloa ne au.”

39Tena, ko Tavita eiloa mo tena kau katoa ko sopo atu ki te sua feitu o te Iolitana. Ne sogi atu a ia ki a Pasilai, tuku atu foki ki ei mo tena fakamanuiaga, ko Pasilai eiloa ko foki atu ki tena fale.

Isalaelu mo Iuta ko Fakakinau i te Tupu

40I te okoatuga o te tupu ki te sua feitu, tela ne taki ne tagata katoa o Iuta, mo te afa o tagata o Isalaelu, ne fanatu eiloa te tupu ki Kilikala, ka ko Kimeama ne fanatu eiloa i a ia.

41Ne o'mai a tagata Isalaelu katoa ki te tupu kae fai atu ki a ia penei, “Tou Malu, ai a ne o'mai ei te kau Iuta o taki koe mo tou kaiga mo tau kau ki te sua feitu o te Iolitana?”

42Ne tali atu tagata Iuta, “Ne fai ne matou, i te tupu se tino o matou. Ai a ka sona ita ei koutou i te mea tena? E seki togi ne ia omotou meakai, e seai foki ne mea kai aumai ne ia ki a matou.”

43Ne tali atu te kau Isalaelu, “E ui eiloa a ia se tino o koutou, kae e fakasefulu taimi e tau ei a ia o tupu i a matou i lo koutou. Ai a e fakaseaoga ei ne koutou matou? Masaua me ko matou ne muamua o faipati ki te fakafokimaiga o te tupu!”

Ka ko tino Iuta e fai te olotou pule ki te tupu mo te saua i lo te kau Isalaelu.