1E isi se tagata e igoa ki a Iopu, e nofo i te fenua ko Usa; e tapuaki ki te Atua kae fakamaoni ki ei. A Iopu se tagata lei, kae ko ia eiloa ko fakaeteete i a ia ma agasala.
2E tokofitu ana tama tagata, kae tokotolu ana tama fafine.
3A mamoe a ia e tusa mo te fitu afe, ana kamela e tusa mo te tolu afe, e afe ana pulumakau, kae limaselau ana asini. E tokouke foki ana tavini, kae ko te toe tino maumea eiloa i te Saegala.
4A tamaliki tagata a Iopu, e masani o fakasolosolo sale o fai olotou 'kaiga, kae e fakatasi atu ki ei a olotou taina katoa; e masani o kami sale foki ne latou a olotou tuagaene kola e tokotolu, ki olotou kaiga.
5I tafataeao takitasi mai tua o kaiga takitasi, e masani sale a Iopu o ala malu o ofo ana taulaga mō ana tamaliki taki tokotasi, ko te mea ke faka'ma ei latou i feitu fakatapuakiga. E fai faeloa ne ia a te faiga tena, se iloa fua manafai ne agasala se tamaliki a ia o fai ne muna se lei ki te Atua i se feitu pasala.
6 ki mua o te Aliki, a Satani ne oko atu foki.E nofo fakatasi mo latou.
7Ne fesili atu te Aliki ki a ia penei, “Ne a au mea ne fai?”
Ne tali atu a Satani, “Au ne fano sale fua i te lalolagi.”
8Ne fesili atu te Aliki penei, “E lavea ne koe taku tavini ko Iopu? E seai se tino i te lalolagi e pau mo ia i te lei mo te fakatuanaki. E tapuaki a ia ki a au, kae ko ia eiloa ko fakaeteete i a ia ma agasala mai ki a au.”
9 ko taua mai, puke katoa ei ne latou a mea kona. Ne tamate ne latou a au tavini katoa, kae toe mai fua ko au. Ko au fua tenei ne sao mai o fakaasi atu te mea tena ne tupu.”
16Ne seki oti tena faipatiga, kae oko mai mo te sua tavini, muna a ia penei, “E isi se uila ne lapa ki mamoe mo tausi mamoe, tena ne mate katoa ei. Ko au fua tenei ne sao mai o fakaasi atu te mea tena ne tupu.”
17Ne seki oti tena faipatiga kae oko mai mo te sua tavini, muna a ia penei, “E isi se potukau masei mai i Kaletaia17 ne taua mai ki a matou; ne puke ne latou a kamela, kae tamate a au tavini katoa, ko au fua ne sao. Ko au fua ne sao mai o fakaasi atu a te mea tena ne tupu.”
18Ne seki oti tena faipatiga kae vau te sua tavini, ana muna penei, “Au tamaliki ne fai kaiga i te fale o te tamaliki matua,
19kae ne poko te kautaufa, ne ui mai i te toafa. Ne agina ki lalo a te fale, mate katoa eiloa au tamaliki. Ko au fua tenei ne sao mai o fakailoa atu a te mea tena ne tupu.”
20Tena, ne tu aka a Iopu kae saesae ona gatu i te fanoanoa. Ne vele tena ulu, kae fakasiga fakafaō ki lalo i te laukele.
21Muna a ia penei, “Au ne fanau mai mo te seai, ka mate atu foki au mo te seai. Ne aumai ne te Aliki aku mea, kae nei ko ave keatea foki ne ia. Ke vikia te igoa o te Aliki!”
22E ui eiloa i mea katoa kola ne tupu, ka ko Iopu e seki agasala eiloa o lou me ko te Aliki e pogai ei a mea kona ne tupu.
Who We AreWhat We EelieveWhat We Do
2025 by iamachristian.org,Inc All rights reserved.
