IOPU 36 - Tuvalu Revised Bible

1-2Kufaki mai o fakalogologo mai ke tai leva malie, ki aku muna konei ka fai atu, E fai ei au mo sui o te Atua.

3A toku iloa e lasi; ka fakaaoga ne au te mea e iloa ne au o fakaasi atu i te Atua tela ne faite ne ia a au e fai mea tonu.

4E seai se muna loi e fai ne au;

Ko matea mai ne koe i ou mua te tinā tagata poto.

5A te Atua se Atua e malosi! E se sona takalialia ki se tino;

E seai se mea e se oko ki ei tena malamalama.

6E se talia ne ia a tino agasala ke ola faeloa,

Kae e fai faeloa ne ia te mea tonu ki tino mativa.

7E puipui ne ia a tino amiotonu; e talia ne ia ke pule latou e pela me ne tupu kae ke fakaaloalogina ki te se gata mai.

8Kae kafai ko saisai a tino ki seni, o fakapuapuaga ona ko olotou mea ne fai.

9Ko fakaasi atu ei ne te Atua ki a latou olotou agasala mo olotou uiga fakamatamata.

10E fai ne ia latou ke fakalogo ki tena folafolaga ke fulitua latou ki te agasala.

11Kafai e fakalogo latou ki te Atua kae tavini atu ki a ia,

Kae ka ola latou i se olaga maumea kae filemu.

12Kae kafai e se fakalogo latou, ko latou ka mate i te lotou valea kae olo atu ki te lalolagi o tino mate.

13A tino kola e se talitonu ki te Atua, e tumau faeloa te lotou kaitaua,

Kae kafai e fakasalagina latou, e se ka'laga foki eiloa ki se fesoasoani.

14E mate latou kae 'koi malosi, e ola fita i se olaga masiasi.

15Ka ko te Atua e fakapuapuaga ne ia a tagata ko te mea ke akoako latou i mea e tau o fai ne latou;

E fakaaoga ne ia a mala ko te mea ke fakapula ei olotou mata.

16Ne fakasao koe ne te Atua mai i fakalavelave kae tuku ne ia koe ke ola i se olaga saogalemu,

Kae fakafonu ne ia tau taipola ki meakai.

17Kae nei, koe ko fakasala ona eiloa ko au mea ne fai.

18Masaua ke mo a e fakakolekole gofie koe ne tino ki olotou koloa;

Masaua foki ke mo a e faka'se koe ne koloa.

19Ka seai se aoga e kalaga ei koe mō se fesoasoani;

Ka seai se mea e mafai ne koe o fai ke maua ei sou fesoasoani.

20Sa manako ki te po ke oko mai, ko te taimi tena e ta fakapalele ei a malo.

21Masaua o sa fuli ki te masei; a tou puapuaga ne aumai ko te mea ke fakamao koe keatea mai i te agasala.

22Masaua i te mana o te Atua e tafasili i te lasi;

A ia ko te toe faiakoga tafasili eiloa i te maluga kae sili i faiakoga katoa.

23E seai se tino e mafai ne ia o fakatonu te Atua ki mea e tau o fai ne ia io me lou ne ia i te Atua ne fai ne ia se mea masei.

24A te Atua ne tavaegina faeloa i ana mea ne fai;

E 'tau foki mo koe o tavae atu ki a ia.

25Ko oti ne matea ne tino katoa a mea ne fai ne te Atua;

Kae e seai se tino e malamalama faka'lei i ei.

26E se mafai o iloa tonu ne tatou tena takutakua,

E se mafai foki o lau ne tatou a tausaga o tena olaga.

27Ko te Atua e avake ne ia a vai mai i te lalolagi kae fuli ne ia ke fai mo motiga ua.

28E fai ne ia te vaiua ke to mai i kaumana mō tino katoa.

29E seai se tino e iloa ne ia me e gasue pefea a kaumana, io me e 'pa pefea a fatili i te lagi,

Te koga e nofo ei te Atua.

30E faka'lapa ne ia uila i te lagi katoa,

Ka ko koga 'poko o te moana e pouli faeloa.

31E fagai pena ne ia, kae aumai ne ia meakai e uke.

32E taofi ne ia te uila ki ona lima kae fakatonu ne ia ke 'to tonu i te koga ne fakasino ke to i ei.

33E folafola ne te fa'tili te kautaufa ka oko mai kae e iloa ne pulumakau me ka oko mai.