IOPU 34 - Tuvalu Revised Bible

1-2A koutou ko oko eiloa i te poto;

fakalogo mai nei ki aku pati konei ka fai atu.

3E iloa ne koutou a meakai gali manafai e 'tami koutou ki ei,

Kae e se iloa ne koutou a muna lei manafai e lagona ne koutou.

4Ko pakū mai eiloa ki a tatou a te fa'kaikuga o te mataupu.

5A Iopu e talitonu i a ia e se agasala;

E talitonu a ia i te Atua e se fakamasino mai a ia i te mea tonu.

6Ne fesili ake a ia penei, “E mafai pefea ne au o faipati ki te loi, o taku atu i a au e 'se?

Au ko pakia masei eiloa, ka ko au e se agasala.”

7Kai matea eiloa ne koutou se tagata penei mo Iopu?

E se fakaava lele eiloa ki te Atua.

8E fiafia o 'nofo fakatasi mo tino amio ma'sei kae oloolo sāle mo tino agasala.

9Ana muna me e seai se lei e maua ne te tino tela e taumafai o tautali ki te loto o te Atua.

10Fakalogo mai ki a au, koutou tagata malamalama!

E mata e mafai ne te Atua Malosi o fai se mea se?

11 Sala 62.12 E taui ne ia ki tino e tusa mo olotou mea e fai kae e fai ne ia ki a latou e tusa mo te mea e 'tau ki a latou.

12A te Atua Malosi e se fai ne ia ne amioga masei;

E seki fai eiloa ne ia se faiga se tonu ki se tino.

13E a, ne maua ne te Atua tena 'mana mai i se tino?

E tonu me ne fakamasiki aka a ia ne se tino ke pule i te lalolagi?

14Kafai e toe puke mai te Atua o avatu te manava o te ola,

15Ko tena uiga, a tino katoa konei e ola ka mate kae toe liu pefu olotou foitino.

16Kafai koe se tino poto, fakalogo mai ki a au.

17A koe e taumafai o faka'se te Atua?

I tau faka'tau te Atua se fiafia ki te fakamasinoga tonu?

18A te Atua e fakamalaia ne ia a tupu mo tino pule manafai ne tino e se aoga kae amio masei.

19E se kau a ia ki tino pule, io me fakasili ne ia a tino maumea i lo tino mativa,

Me ne faite ne ia a tino katoa.

20E mafai se tagata o mate fafuasei i se po.

E 'ta ne te Atua a tagata, ko galo atu eiloa latou;

E tamate gofie fua ne ia a tino malosi eiloa.

21E onoono faka'lei eiloa a ia ki faifaiga katoa a tagata.

22E seai se pouliga e mafai o funa ei a te tino agasala mai i te Atua.

23E seai se taimi e fakasino ne te Atua ke olo atu a tagata ki a ia ke fakamasino.

24E se manako a ia ki se sukesukega ke fai ki tino pule manafai e isi ne olotou uiga masei ne fai,

Ko te mea ke sui olotou tulaga ki nisi tino,

25Me e iloa ne ia olotou mea e fai;

E ave keatea ne ia kae tukipala ne ia i te afiafi.

26E fakasala ne ia a tino agasala i te koga e lavea ne tino,

27Me ko se tautali atu ki a ia, kae teke ki ana fakatonuga katoa.

28E fakapuapuaga ne latou a tino mativa, tena ko kalaga ei tino mativa ki te Atua,

Kae ne lagona ne te Atua olotou tagi mō se fesoasoani.

29Kafai e iku i te Atua ke seai sena mea e fai,

E seai eiloa se tino e isi sena fekau i te feitu tena.

Kafai ko fakagalo te Atua,

Ko tagata eiloa ko se mafai o fai se mea.

30E seai eiloa se mea e mafai ne malo o fai,

Ke ave keatea ei a tino fapaupau kola e pule fakasaua ki a latou.

31Iopu, kai fakaasi atu au agasala ki te Atua ke fakamagalo mai ne ia?

Kai tauto koe ke se toe agasala koe?

32Kai fesili koe ki te Atua ke fakaasi atu au agasala?

Kai talia ne koe ke se toe fai ne koe ne amioga masei?

33Ona e se talia ne koe a mea a te Atua e fai,

I tau fakatau e mafai o fai ne ia a te mea e manako koe ki ei?

A tau ikuga e fai eiloa ne koe, e se fai ne au;

Taku mai me se a tou manatu.

34So se tino malamalama e tau eiloa o talitonu ki a au;

So se tino poto ne lagona ne ia aku muna ka fai aka pela

35I a Iopu e faipati mo te se iloa, ka ko ana pati foki e seai se uiga.

36Mafaufau faka'lei aka ki muna katoa a Iopu ne fai;

Ka matea ne koutou me e faipati pela me se tino amio masei.

37A tena loto 'teke ko fakaopoopo atu ki ana agasala;

Ko faka'lili mai ne ia te Atua i mua o tatou katoa.