ESEKIELU 31 - Tuvalu Revised Bible

Aikupito ko Fakatusa ki te Alasi

1I te po muamua o te tolu o masina i te sefulutasi o tausaga o matou i te tafeaga, ne faipati mai te Aliki ki a au,

2ana muna, “Te tagata ola,” fai atu ki te tupu o Aikupito mo tino o tena fenua penei:

Ko oko eiloa i tou malosi!

Se a te mea e mafai o fakatusa ne au a koe ki ei?

3A koe e pela me se alasi i Lepanona,

Mo ona kaula gali kae malumalu,

Se lakau e tafasili i te maluga e oko atu ki kaumana.

4E isi te vai e fai ne ia ke ola,

Mo vaitafe i lalo i te laukele e fagai ne latou a te lakau tena.

E fakasusu ne latou a te koga e ola ei te lakau,

Kae maga atu foki a vai kona ki lakau katoa o te vao.

5Ona ko te mea e lava te vai i ei,

Tela la, ne ola ake eiloa o maluga atu i nisi lakau.

A ona kaula ne gasolo ake eiloa o fula kae loa.

6A vaega manu eva kesekese e faite olotou ofaga i ona kaula;

A manu kesekese o te vao e fai olotou ofaga i ana kaula;

A malo o te lalolagi e fakamanava i lalo i tena maluga.

7Ko oko eiloa i te gali o te lakau —

Ko oko eiloa i te maluga kae loa ona kaula.

A ona aka e oko ifo ki lalo i vai e tafe i lalo o te laukele.

8 E gasolo ake o maluga, kae gasolo ake foki o fakamatamata;

11tela la, ko oti ne tiaki ne au kae tuku atu ke pule ne se tino fakaatea. Ka tuku atu ne ia ki te lakau tena a te taui e tau ki ei ona ko ana amioga masei.

12A tino fakasaua mai i fenua fakaatea ka kati ne latou ki lalo kae tiakina. A ona kaula mo ona kaula lasi ka to ki luga i mauga mo vanu katoa i te fenua. A malo katoa kola ne nofo i tena maluga ka olo katoa keatea.

13A manu eva ka o'mai o tu i luga i te lakau tena, tela ko siga, ka ko manu vao ka sasale i luga i ona kaula.

14Tela la, mai i te taimi nei, e se toe ai se lakau e ola ake ke maluga pena mo te lakau tena, ke oko atu tena taulu ki kaumana, faitalia me pefea eiloa te lei o te fakasusuga e fai ki ei. A lakau katoa kona e mate katoa pela me ne tino ola, e iku katoa ki te olo o fakatasi atu ki a latou kola e olo ki lalo i te lalolagi o tino mate.”

15Konei a muna a te Aliki Sili: “I te aso tela e fanaifo ei te lakau tena ki te lalolagi o tino mate, kae ka fai ne au a vai i lalo o te laukele ke ufi ne latou a te lakau tena ke fai mo fakailoga o te lotou tagi fanoanoa. Ka taofi ne au a vaitafe ke se tafe, pena foki a vaitafe foliki. Ona ko mate a te lakau tena, tela la, ka aumai ne au te pouliga ki luga i Mauga o Lepanona kae fakamage a lakau katoa o te vao.

16Kafai ko uga atu ne au a te lakau tena ki te lalolagi o tino mate, a te pakū o tena siga ka lūlū ne ia a malo. A lakau katoa o Etena, mo lakau taua o Lepanona kola ne fakasusu fakalei, kola ko oti ne olo ifo ki lalo i te lalolagi i lalo, ka fiafia i tena sigaga.

17Ka olo tasi latou mo ia ki lalo i te lalolagi o tino mate, o fakatasi atu ki a latou kola ko leva ne i kona. Ka ko latou katoa kola e nofo i lalo o tena maluga, ka salalau atu ki malo.

18“A te lakau tena ko te tupu o Aikupito mo tino katoa o tena fenua. E seai ne lakau i Etena e loa kae gali pena. Kae nei, pela eiloa mo lakau o Etena, ka fanaifo eiloa a te lakau tena ki lalo i te lalolagi o tino mate o fakatasi atu ki tino fapaupau mo latou kola ne mate i taua. Ko au tena ne faipati atu.” Ko muna kona a te Aliki Sili.