SALAMO 86 - Tuvalu Revised Bible

Ko te 'Talo mo se Fesoasoani

1Te Aliki, fakalogo mai, kae tali mai ki a au,

i a au ko oko eiloa i toku vaivai,

Kae seai ake foki soku fesoasoani.

2Fakasao mai au mai te mate, i a au foki e fakamaoni ki a koe;

Fakasao mai au, i a au ko tau tavini tela e talitonu ki a koe.

3A koe ko toku Atua, alofa mai ki a au i tou alofa 'nau;

i a au tenei e 'talo atu ki a koe i aso katoa.

4Te Aliki, fakafiafia mai tau tavini,

i aku talosaga konei e fai atu ki a koe.

5A koe e 'lei kae loto fakamagalo ki a matou,

Kae fonu foki koe i te alofa tumau ki tino katoa kola e 'talo atu ki a koe.

6Te Aliki, fakalogo mai ki taku 'talo;

Kae fesoasoani mai foki ki aku fakatagi atu.

7Au e kalaga atu ki a koe i taimi e maua ei au ne fakalavelave,

Me e tali mai koe ki aku 'talo.

8Te Aliki, e seai ake eiloa se Atua e pau mo koe,

E seai eiloa se tino e mafai ne ia o fai a mea kola ko oti ne fai ne koe.

9 Faka 15.4 A fenua katoa kola ne faite ne koe,

E o'mai katoa o ifo atu ki a koe.

Ka tavae atu latou ki tou maluga.

10Ko koe ko te Atua Malosi;

Ko koe fua e fai ne koe a mea fakaofoofogina.

11Te Aliki, akoako mai ki a au a mea e 'tau mo au o fai,

Ka fakalogo au ki ei mo te fakamaoni;

Akoako mai ke tavini atu au ki a koe mo te loto katoatoa.

12Te Aliki toku Atua, e tavae au ki a koe mo toku loto katoatoa;

Kae folafola atu ne au tou 'malu ki te se gata mai.

13Ko oko eiloa i te lasi o tou alofa tumau ki a au!

Ko oti ne fakasao ne koe au mai te 'poko o te tanuga.

14Te Atua, a tino fakamaualuga ko 'tu mai o laga taua mai ki a au;

Se potukau fakasaua, e taumafai o tamate au,

Ko tino kola e se faka'logo ki a koe.

15Te Aliki, a koe ko te Atua e alofa mo te alofa 'nau,

E tuai tou ita kae alofa faeloa koe mo te fakamaoni.

16Saga mai kae alofa mai ki a au,

i a au e tavini ki a koe e pela mo faiga a toku matua.

17Te Aliki, fakailoa mai se fakamaoniga o tou atafai mai,

Ko te mea ke ma'vale a tino kola e ita mai ki a au,

Manafai e matea ne latou i a koe e fakamafanafana mai kae fesoasoani mai ki a au.