1 1Samu 20.15-17 I te aso e tasi, ne fesili aka Tavita penei, “Mata koi isi nei se tino i te gafa o Saulo koi toe mai? Ka fai koi isi ke aumai ke fai faka'lei ne au me i a au e alofa i a Ionatana.”
2E isi se tavini tokotasi i te kaiga o Saulo e igoa ki a Sipa, tela ne ave te fekau a Tavita ki ei ke fanatu ki a ia. Ne fesili atu Tavita penei, “A koe ko Sipa?”
Ne tali mai a Sipa, “Tou malu, au ko toka o fai se mea e manako koe ki ei.”
3 2Samu 4.4 Ne fesili atu Tavita ki a Sipa penei, “Mata koi isi se tino e toe i te kaiga o Saulo ke fakaasi toku alofa mo toku fakamaoni ki ei, e pela eiloa mo taku tautoga ki te Atua ke fai te mea tena?”
Ne tali atu Sipa, “E isi se tama tagata a Ionatana koi ola mai, kae e 'pili.”
4Ne fesili atu te tupu, “Tefea?”
Ne tali atu Sipa, “Tela i te fale o Makila, te tama tagata a Amielu i Lotepa.”
5Tena ne uga ei te fekau a Tavita ke aumai a ia tena.
6I te okoatuga o Mefiposeta, te tama tagata a Ionatana kae ko te mokopuna o Saulo, ne punou a ia i mua o Tavita mo te fakaaloalo. Muna a Tavita, “Mefiposeta,” kae tali mai Mefiposeta, “Tou malu, tenei tau tavini.”
7Ne tali atu Tavita, “Sa mataku. Au ka alofa atu ki a koe ona ko Ionatana tou tamana. Ka fakafoki atu katoa ne au a manafa kola e o tou tupuna ko Saulo, kae e talia faeloa a koe mo te loto fiafia manafai e vau koe ke kai sale tatou.”
8Ne toe punou ifo Mefiposeta kae fai aka penei, “Tou malu, au nei se tino seai se aoga, pela fua me se kuli mate! Ai a ka fakamaumau ei ou taimi o alofa mai ki a au?”
9Tena, ne fai atu ei a te tupu ki a Sipa, te tavini a Saulo penei, “Ka tuku nei ne au ki a Mefiposeta, te mokopuna o tou matai, a mea katoa a Saulo mo tena kaiga.
10A koe, au tama tagata mo au tavini ka galue ne koutou te laukele mō te kaiga o tou matai ko Saulo, kae aumai a fua o otou galuega i fatoaga ke fagai ei latou. Ka ko Mefiposeta e kai eiloa i konei i a au. A tama tagata a Sipa e tusa mo te tinogafulu mo te tokolima, kae e tino lua ana tavini.
11Ne tali atu Sipa, “E fai eiloa ne au a mea katoa kona e fakatonu mai ne tou malu.”
Tena, a Mefiposeta e kai eiloa i te taipola a te tupu, e pela eiloa me se tama a te tupu.
12A Mefiposeta e isi sena tama tagata e igoa ki a Mika. A tino katoa i te kaiga o Sipa ne fai katoa mo tavini a Mefiposeta.
13Tena la, a Mefiposeta, tela e pili ana vae katoa e lua, ne nofo eiloa i Ielusalema kae kai eiloa i te taipola a te tupu.
Who We AreWhat We EelieveWhat We Do
2025 by iamachristian.org,Inc All rights reserved.
