EFESO Fakatomuaga - Tuvalu Revised Bible

Fakatomuaga Te tusi a Paulo ki tino Efeso e fakataua muamua ne ia ko te “palani a te Atua … ke aumai katoa a mea ne faite ke tuku fakatasi, mea katoa i luga o te lagi mo i lalo o te lalolagi, kae ko Keliso ko te ulu o mea katoa” (1.10). A te mea nei se fakatagi, ki tino katoa o te Atua ke ola ne latou a te uiga maluga o te palani mo te tasi, o tino katoa o fenua kesekese i a Iesu Keliso.I te vaega muamua o te tusi ki tino Efeso, a te Tusitala ne fakatoka ne ia se manatu fakavae o te tasi, o faipati ki te auala, ne filifili ne te Atua te Tamana a ona tino, me ne pefea o fakamagalogina kae fakasaolotogina mai olotou agasala, e alatu i a Iesu Keliso te Tama, kae ne pefea foki te feagaiga a te Atua ke fakamaonigina ne te Agaga Tapu. I te lua o vaega a ia ne fakatagi ki tino faitau i te tusi, ke ola i se auala tela e fakaasi mai ei te olotou tasi i a Keliso, e fakafoliga mai ne te olotou olaga mafuta fakatasi.E uke a vaega o faipatiga kola ne fakaaoga mo fakasi ei te tasi o tino o te Atua i te olotou mafutaga mo Keliso: a te Ekalesia e pela me se foitino, kae ko Keliso ko te ulu; io me pela me se fale, kae ko Keliso pela me ko te fatu tulimanu; io me pela me se fafine avaga, kae ko Keliso pela me ko tena avaga tagata. A te tusi tenei ne oko loa ana fakamunaga ki tulaga 'loto ona ko te Tusitala ne otia tena mafaufau i te alofa tauanoa o te Atua i a Keliso. A mea katoa ko matea 'lei i te mainaga o te alofa o Keliso, Ofoatu, te fakamagaloga, te alofa taunaoa, mo te faka'maga.Ko Fakasologa o MataupuFakatomuaga (1.1-2)Keliso mo te Ekalesia (1.3—3.21)Olaga fou i a Keliso (4.1—6.20)Fakaotiga (6.21-24)