1E isi ne tino Alapi ne olo o taua ki Iuta, tena ne mate i ei a tama tagata katoa a te Tupu ko Ieolamo, na ko Asaia fua, te toekimuli ne sao. Tela la, ko fai nei ne tino Ielusalema a Asaia ke fai mo tupu, o sui tena tamana.
2-3Ne fai a Asaia mo tupu ka ko luasefulu lua ei ona tausaga, kae ne pule a ia i Ielusalema i te tausaga e tasi. A Asaia ne tautali foki ki amioga a te Tupu ko Aapo mo tena kaiga, me i tena matua ko Atalia, te tama fafine a te Tupu ko Aapo, kae ko te mokopuna fafine o te Tupu o Isalaelu ko Omeli, ne taki se ne ia a Asaia ki te auala masei.
4Ne agasala a ia ki te Aliki, me i te mateatuga o tena tamana, kae e isi ne tino i te kaiga o te Tupu ko Aapo ne to i kau fakatonutonu a ia, tena la, ko iku ei ki tena malaia.
5Ne tautali a ia i te fakatonuga a ana tino fakatonutonu, tena ne kau atu ei a ia ki te Tupu o Isalaelu ko Iolamo o taua atu ki te Tupu o Sulia ko Hasaeli. Ne fepaki a kautau kona i Lamota i Kileata, kae ne pakia i ei a Iolamo i te taua.
6Ne foki atu a ia ki te fa'kai o Ieseleelu o nofo i ei ke lei ona pakiaga, ka ko Asaia ne fanatu o asi ki a ia i kona.
7Ne fakaaoga ne te Atua a te malaga tenei a Asaia ki a Iolamo, ke aumai ei te malaia ki a Asaia. I te taimi ne nofo ei a Asaia i kona, kae ne tu atu i o la mua mo Iolamo, a te tagata e igoa ki a Ieu, te tama tagata a Nimesi, tela ne filigina ne te Aliki ke fakagata ne ia te gafa tupu o Aapo.
8I te taimi tena ko fakataunu ei ne Ieu a te ikuga a te Atua ki te gafā tupu o Aapo, ne fetaui a ia mo se potukau Iuta, ne takitaki katoa, mo tama tagata a taina o Asaia kola ne o'mai tasi mo Asaia. Ne tamate katoa latou ne Ieu.
9Ne sala ne latou a Asaia, kae ne maua atu eiloa i Samalia. Ne avatu ne latou a ia ki a Ieu, tamate ei ne latou. Ne tanu ne latou tena foitino mo te se fakaaloalo ki te tupuna o ia ko te Tupu ko Iosefatu, tela ne tavini fakamaoni ki te Aliki.
E seai eiloa se tino i te kaiga o Asaia kola ne toe e mafai ne ia o pule a te malo.
Ko Atalia te Tupu Fafine o Iuta(2Tupu 11.1-3)10I te taimi ne logo ei a Atalia, te matua o te Tupu ko Asaia, i te mate o tena tama tagata, ne fai ei tena fakatonuga ke tamate a tino katoa i te kaiga tupu o Iuta.
11E isi se afā tuagaene o Asaia, ko Ieosepa, e avaga ki te faitaulaga e igoa ki a Ieoiata. Ne fakasao funa ne ia a te tama tagata e tokotasi a Asaia, ko Ioasa, kae ave ne ia ke mao keatea mo nisi pelenise kola ka tamate. Ne fakamuni ne ia a Ioasa mo te nesi, i te potumoe i te Faletapu. I te fakamuniga ne ia tena, ko fakasao ne ia a te tamaliki tena mai i a Atalia.
12E ono tausaga ne nofo muni ei a te tamaliki tena i te koga tena, ka ko Atalia ko pule i te vaitaimi tena.
Who We AreWhat We EelieveWhat We Do
2025 by iamachristian.org,Inc All rights reserved.
