2 NOFOAIGA TUPU 19 - Tuvalu Revised Bible

Iosefatu ko Patitoka ne te Pelofeta

1Ne foki atu te Tupu o Iuta ko Iosefatu ki tena palesi i Ielusalema, mo te saogalemu.

2E isi se pelofeta e igoa ki a Ieu, te tama tagata a Hanani, ne fanatu o fakafetaui ki te tupu kae fai atu ki a ia penei, “I tau fakatau, se mea lei o fesoasoani atu ki tino amio masei, kae kau atu ki a latou kola e se fiafia ki te Aliki? A te mea ne fai ne koe, ko ala ei o kaitaua te Aliki ki a koe.

3Kae e ui i te mea tena, kae e isi eiloa se lei i a koe. Ne ave keatea ne koe a fakatusa o te atua fafine ko Asaila kola e tapuaki ki ei a tino, kae ne taumafai foki koe o tautali i te loto o te Atua.”

Ko Mea ne Fakafou ne Iosefatu

4E ui eiloa a te Tupu ko Iosefatu e nofo i Ielusalema, kae e faimalaga sale eiloa a ia i loto i tena fenua, mai i Pelesepa i saute ke oko ki te gataga o te fenua maugā o Efalaima i matu, ko te mea ke toe taki mai ne ia a tino ki te Aliki, te Atua o olotou tupuga.

5Ne filifili ne ia ne famasino mō fa'kai takitasi o Iuta,

6kae fai atu mo tena fakatonuga ki a latou penei: “Fakaeteete i otou fakamasinoga; e se ko te pule a tagata e fai ei otou fakamasinoga, kae ko te pule mai i te Aliki, kae ka fakatasi atu eiloa a ia ki a koutou i taimi e fai ei otou ikuga.

7Ma'taku ki te Aliki kae fakaeteete i otou mea e fai, me i te Aliki te tou Atua e se talia ne ia a amioga pelo mo te fakapito, io me ko te talia ne koutou o togi fakakolekole.”

8Ne fili ne Iosefatu, i Ielusalema, a sa Levi, faitaulaga mo nisi tino maluga o te fa'kai ke fai mo famasino o agasala kola e ofa ei te Tulafono a te Aliki, io me ko kinauga i va o tino o te fa'kai.

9Konei a fakatonuga ne tuku ne ia ki a latou: “E tau mo koutou o fai otou tiute mo te mataku ki te Aliki, kae fakalogo ki a ia i otou mea katoa e fai.

10Kafai ko o'mai a nisi o koutou mai i so se fa'kai, o aumai se sala tatino, io me so se ofa tulafono, e tau o akoako faka'lei ne koe a latou i faiga e tau o fai ne latou i te taimi o te fono, ko te mea ke mo a e agasala latou ki te Aliki. Kafai e se fai ne koutou, ko te Aliki ka kaitaua ki a koutou mo otou taina Iutaia, kae kafai e fai eiloa otou tiute, ka se agasala koutou.

11Ko Amalia te Faitaulaga Sili, ko ia ko te pule sili i sala tau te lotu, ka ko Sepatia, te tama tagata a Isamaeli, te kovana o Iuta, ko te pule sili i sala tau te malo. Ko te kau sa Levi e onoono ki te fakataunuga o ikuga a te fono. Ke malosi otou loto o fai a fakatonuga konei, a te Aliki ke fakatasi atu ki a latou kola e fai te mea tonu!”