1 TIMOTEO Fakatomuaga - Tuvalu Revised Bible

FakatomuagaA Timoteo, se kelisiano talavou mai i Asia Foliki, a ia ko te tama tagata a te fafine Iutaia mo te tagata Eleni. A ia ne fai mo soko kae toko lua atu ki a Paulo i tena galuega fakamisionale.Te Tusi Muamua a Paulo ki a Timoteo e fakapogai ki mataupu taua e tolu.Te vaega muamua o te tusi, ko te fautuaga 'teke ki akoakoga se tonu iloto i te Ekalesia. A akoakoga konei, se tukutasiga o mafaufauga o tino Iutaia mo tino fakaatea, kola e fakavae te olotou talitonuga me i te lalolagi tenei e masei, kae ko te tino, e mafai o maua ne ia te fakaolataga, mai i poto mo atamai 'funa kola e tau o fakamasani ki ei, pela mo te se kai ki vaega meakai kola e tapu, kae e se avaga foki. E aofia foki i loto o te tusi, ko fakatonuga ki te pulepulega mo te fakatelega o te Ekalesia mo tapuakiga, mo fakamatalaga ki te tulaga o uiga kola e 'tau o maua ne takitaki o te Ekalesia pela foki mo olotou fesoasoani. I te fakaotiga, ne fautuagina Timoteo, ki te mafai o fai te tino mo tavini 'lei a Iesu Keliso, e pela foki mo tiute kola e tau o fai ki potukau kesekese o tino talitonu.Ko Fakasologa o MataupuKo te Fakatomuaga (1.1-2)Ko Fakatonuga e uiga ki te Ekalesia mo ana ofisa (1.3—3.16)Ko Fakatonuga ki a Timoteo e uiga mo tena galuega (4.1—6.21)