TEUTELONOME 11 - Tuvalu Revised Bible

Ko te Takutakua o te Aliki

1“Ke alofa koutou ki te Aliki te otou Atua, kae tausi faeloa ki ana tulafono.

2Masaua i te aso nei a mea ne tauloto ne koutou e uiga ki te Aliki, e pela eiloa mo mea ne lavea ne koutou e fai sale ne ia. Ko koutou ne lavea ne koutou a mea kona, kae se ko otou tamaliki.

3Eso 7.8—12.13 Ne lavea ne koutou te 'mana o te Atua i ana mea fakaofoofogia ne fai. Ne lavea ne koutou a mea ne fai ne ia ki te tupu o Aikupito ke oko eiloa ki tena fenua katoa.

4Eso 14.28 Ne lavea ne koutou te 'tamatega ne te Aliki a te kautau a Aikupito, fakatasi mo olotou solofanua mo kaliota, i te taimi ne o'mai ei o afuli koutou i loto i te Tai Kula.

5E iloa ne koutou a te mea ne fai ne te Aliki mo koutou i te vao, kae koi tuai o oko mai koutou ki konei.

6Nume 16.31,32 E masaua ne koutou te mea ne fai ne ia ki a Tatano mo Apilamo, tamaliki tagata a Eliapo mai i te matakaiga o Leupena. Ne lavea katoa eiloa ne tino a te vaeluaga o te laukele kae to a laua kona ki loto i ei, fakatasi mo o la kaiga, olotou faleie, olotou tavini mo olotou manu.

7E tonu eiloa me ko koutou konei kola ko oti ne lavea ne koutou a mea fakaofoofogia kola ne fai ne te Aliki.

Ko te Fakamanuiaga o te Fenua o te Feagaiga

8“Tausi ki tulafono katoa kola ko oti ne avatu ne au ki a koutou i te aso nei, kae ka talia ne au koutou ke olo atu ki te sua feitu o te vaitafe, ki te fenua tela ka olo koutou ki ei.

9Ka mafai foki koutou o 'nofo leva i te fenua maumea kae laukele ola tena, te fenua ne tauto te Aliki ke tuku ki otou tupuga mo tino i olotou gafa.

10A te fenua tena ka 'nofo koutou i ei, e se 'pau mo te fenua o Aikupito, tela ne nofo koutou i ei. I te otou nofoga i Aikupito, kafai e toki otou lakau, a koutou e galue malosi o fakasusu a fatoaga.

11Ka ko te fenua tena ka olo koutou ki ei, se fenua e uke mauga mo vanu i ei, se fenua e fakasusu ne vaiua.

12A te Aliki te otou Atua e tausi fakalei ne ia a te fenua tenei, kae e onoono fakalei ki ei i te tausaga katoa.

13 Levi 26.3-5; Teu 7.12-16; 28.1-14 “Tela la, tausi ki tulafono konei ne avatu ne au i te aso nei; alofa ki te Aliki te otou Atua kae tavini atu ki a ia mo otou loto katoa.

14Kafai e tausi ne koutou a tulafono kona, kae ka aumai ne ia a vaiua ki te otou fenua i te taimi 'tau, i te tau o te uaga muamua, pela foki i te tau o te muakiga, ko te mea ke isi ne saito ma koutou, pela foki uaina mo sinu olive,

15mo mouku mo kaikai otou pulumakau. Ka maua ne koutou a vaega meakai katoa e manako koutou ki ei.

16Sa fulitua ki te Aliki o tapuaki atu ki nisi atua fakaatea.

17Kafai e fai koutou pena, ko te Aliki ka kaitaua ki a koutou. Ka taofi ne ia ke seai ne vaiua e to, tena la, ka malo te laukele, ko seai ne lakau e mafai o ola i ei. Tena la, ka mate vave koutou i kona, ka ko te laukele tena ne avatu ne ia mo koutou se laukele gali faeloa.

18 Teu 6.6-9 “Ke manatua ne koutou a fakatonuga konei, kae tausi fakalei. Tusi ki se pepa kae sai ki otou lima pela foki ki otou lae ko te mea ke masaua faeloa ne koutou.

19Akoako atu foki a fakatonuga kona ki otou tamaliki. Ke faipati faeloa koutou e uiga ki fakatonuga kona i loto i otou kaiga, pela foki manafai e nofo mao koutou, pela foki manafai e malolo io me galue koutou.

20Ke tusi foki ne koutou ki pou o mataloa o otou fale, pela foki ki mataloa o otou 'pui.

21Tena la, ka nofo leva ei koutou i te fenua tenei ne tauto te Aliki te otou Atua ke ave ki otou tupuga. Ka nofo koutou i kona ke oko eiloa ki te se gata mai.

22“Tausi fakamaoni ki tulafono katoa konei ne avatu ne au ki a koutou: Ke alofa koutou ki te Aliki te otou Atua, fai a mea katoa kola e fakatonu mai ne ia kae ke tumau te otou fakamaoni ki a ia.

23Tena la, ka afuli keatea ne ia a malo kona i te taimi e olo atu ei koutou, kae ka nofo koutou i te fenua ne nofo ei a malo kola e lasi kae malosi atu i a koutou.

24Iosu 1.3-5 A te laukele tena ka olo atu koutou i ei e o koutou katoa. A te otou fenua ka fanatu mai i te koga lavaki i saute ke oko ki Mauga o Lepanona i matu, kae mai i te saegala, e kamata atu mai i te Vaitafe o Eufilate ke oko ki te Tai Metitilani i te togala.

25I so se koga e olo koutou i ei i te fenua tena, ka fai ne te Aliki a tino o koga kona ke mataku i a koutou, e pela eiloa mo tena tautoga, kae ka seai se tino e mafai o pono ne ia koutou.

26“Ko tuku atu nei ne au i te aso nei ke filifili koutou i mea konei e lua, te fakamanuiaga me ko te fakamalaiaga.

27Ka maua ne koutou te fakamanuiaga, manafai e tausi fakalei koutou ki fakatonuga a te Aliki te otou Atua konei ne avatu ne au i te aso nei.

28Ka maua ne koutou te fakamalaiaga manafai e se tausi ne koutou a fakatonuga konei, kae fulitua koutou ki te Aliki o tapuaki atu ki nisi atua fakaatea kola e seki tapuaki eiloa koutou ki ei i aso mua.

29Teu 27.11-14; Iosu 8.33-35 Kafai ko aumai koutou ne te Aliki ki te fenua tela ka nofo koutou i ei, e tau mo koutou o folafola a muna fakamanuia mai i te Mauga o Kelisima ka ko muna fakamalaia ke folafola mai i te Mauga o Epalu.

30A mauga konei e lua e tu i te feitu ki te togala o te Vaitafe o Iolitana i te fenua o tino Kanana, kola e nofo i te Vanu o te Iolitana. A mauga kona e tu ki te togala, e se mao mai i Mole, te koga e tu ei a lakau tapu, tela e pili ki te fa'kai o Kilikala.

31A koutou nei ka olo atu ki te sua feitu ne tuku atu ne te Atua mo koutou. Kafai ko maua ne koutou te fenua tena, kae ko nofo foki koutou i ei,

32masaua o tausi ki tulafono katoa konei ne avatu ne au i te aso nei.