2 TUPU 15 - Tuvalu Revised Bible

Ko Usia te Tupu o Iuta(2NTupu 26.1-23)

1I te luasefulu fitu o tausaga o te nofoaiga a Ielopoamo II, te tupu o Isalaelu, ne fakasopo ei a Usia, te tama tagata a Amasia ke fai mo tupu o Iuta,

2kae ko tusa ei mo te sefuluono ona tausaga. Ne tupu a ia i Ielusalema i tausaga e limasefulu lua. A tena matua ko Iekolia, se fafine mai Ielusalema.

3Ne tautali eiloa a ia i auala o tena tamana, me ne fai eiloa ne ia a mea kola e fiafia ki ei te Aliki.

4Ka ko koga tapuaki fapaupau e seki ofa, tela la, a tino koi olo eiloa o ofo taulaga kae sunu mea ma'nogi i ei.

5Ne fai ne te Aliki a Usia ke maua ne te lepela, kae ne tumau eiloa i a ia a te masaki tena ke oko ki tena mate. A ia e nofo tokotasi i te fale e tasi, ko seai ne ana galuega e fai, me ko tena tama ko Iotama tena e feagai mo te pulepulega o te fenua.

6A nisi tala e uiga ki a Usia e fakamau katoa i te tusi o Te Tala Tuku Fakasolo o Tupu o Iuta.

7 sui ei ne ia o fai mo tupu.

11A nisi tala e uiga ki a Sakalia e fakamau katoa i te tusi o Te Tala Tuku Fakasolo o Tupu o Isalaelu.

12 Ko Saluma, te tupu o Isalaelu

13I te tolusefulu iva o tausaga o te nofoaiga a Usia, te tupu o Iuta, ne fai a Saluma, te tama a Iapese, mo tupu o Isalaelu, kae ne tupu a ia i Samalia i te masina e tasi.

14A Manaema, te tama tagata a Kate ne fanatu mai Tilesa ki Samalia, tamate ne ia a Saluma, kae sui ne ia o fai mo tupu.

15A nisi tala e uiga ki a Saluma, pela mo te tala o tena togafiti masei e fakamau katoa i te tusi o Te Tala Tuku Fakasolo o Tupu o Isalaelu.

16I te vauga a Manaema mai i te fa'kai o Tilesa, ne oko atu a ia ki te fa'kai o Tapua, 'ta fakapalele aka a tino i ei kae fakamasei valevale te fa'kai, pela foki mo koga fenua i tafatafa, me e ita i tino o te fa'kai tena e se fakamaulalo atu ki a ia. Ne saesae foki ne ia a tinae o fafine fai'tama.

Ko Manaema, te Tupu o Isalaelu

17I te tolusefulu iva o tausaga o te nofoaiga a Usia te tupu o Iuta, kae ne sopo ei a Manaema, te tama tagata a Kate o fai mo tupu i Isalaelu, kae ne tupu a ia i Samalia i tausaga e sefulu.

18Ne agasala a ia ki te Aliki, me ne tautali i auala ma'sei o te Tupu ko Ielopoamo, te tama a Nepata, tela ne 'taki ne ia Isalaelu ki te agasala, ke oko eiloa ki te taimi ne mate atu ei a ia.

19A te Tupu o Asulia ko Tikila Pilesa, ne vau o taua ki Isalaelu, kae ne tuku atu ne Manaema ki ei e tolusefulu fa afe kilokalame o siliva, ko te mea ke kau atu ki a ia i te fakamautakitakiga o tena pule i luga i te fenua.

20A te tupe tena, ne maua mai ne Manaema mai tino maumea o Isalaelu, me ne fai malo ne ia a tino taki tokotasi ke lafo mai e taki limasefulu tupe siliva. Tena, ne foki atu ei a Tikila Pilesa ki tena fenua.

21A nisi tala e uiga ki a Manaema e fakamau katoa i te tusi o Te Tala Tuku Fakasolo o Tupu o Isalaelu.

22Ne mate atu a ia ave ei o tanu, kae ne sui a ia ne tena tama tagata ko Pekaia o fai mo tupu.

Ko Pekaia, te Tupu o Isalaelu

23I te limasefulu tausaga o te nofoaiga a Usia, te tupu o Iuta, ne fai ei Pekaia, te tama tagata a Manaema, mo tupu o Isalaelu, kae ne tupu a ia i Samalia i tausaga e lua.

24Ne agasala foki a ia ki te Aliki, me ne tautali i auala ma'sei o te Tupu ko Ielopoamo, te tama a Nepata, tela ne 'taki ne ia Isalaelu ki te agasala.

25E isi se ofisa i te kautau a Pekaia e igoa ki a Peka, te tama a Lemalia, ne olo atu mo te tinolima tagata mai Kileata, o tamate Pekaia i te olo tafa ki loto o te palesi, i Samalia. Tenā, fai ei Peka mo tupu, o sui a Pekaia.

26A nisi tala e uiga ki a Pekaia e fakamau katoa i te tusi o Te Tala Tuku Fakasolo o Tupu o Isalaelu.

Ko Peka, te Tupu o Isalaelu

27I te limasefulu lua o tausaga o te nofoaiga a Usia, te tupu o Iuta, ne fai ei Peka, te tama tagata a Lemalia mo tupu o Isalaelu, kae ne tupu a ia i Samalia i tausaga e luasefulu.

28Ne agasala a ia ki te Aliki, me ne tautali i auala ma'sei o te Tupu ko Ielopoamo, te tama a Nepata, tela ne 'taki ne ia Isalaelu ki te agasala.

29Ko te taimi ne tupu ei a Peka, tela ne vau ei te tupu o Asulia ko Tikila Pilesa o puke a fa'kai konei: ko Itioni, ko Apelu Peta Maaka, ko Ianoa, ko Ketesa, ko Hasola, mo te kogā fenua o Kileata, Kalilaia mo Nafatali, kae ave fakapagota ne ia a tino ki Asulia.

30I te luasefulu o tausaga o te nofoaiga a Iotama, te tama tagata a Usia i Iuta, kae tamate a Peka ne Hosia, te tama tagata a Ela, tena ne fai ei a Hosia mo tupu o sui a Peka.

31A nisi tala e uiga ki a Peka e fakamau katoa i te tusi o Te Tala Tuku Fakasolo o Tupu o Isalaelu.

Ko Iotama te Tupu o Iuta(2NTupu 27.1-9)

32I te lua o tausaga o te nofoaiga a Peka, te tama tagata a Lemalia i Isalaelu, ne fai ei a Iotama, te tama tagata a Usia mo tupu o Iuta,

33ka ko luasefulu lima ei ona tausaga, kae ne tupu a ia i Ielusalema i tausaga e sefuluono. A tena matua ko Ielusa, te tama fafine a Satoka.

34A Iotama ne tautali eiloa i auala lei o tena tamana ko Usia, me ne fai eiloa ne ia a mea e fiafia ki ei a te Aliki.

35Ka ko koga tapuaki fapaupau e seki ofa eiloa, tela la, a tino koi olo faeloa o ofo taulaga kae sunu mea manogi i koga kona. Ko Iotama ne faite ne ia a te Mataloa ki Matu o te Faletapu.

36A nisi tala e uiga ki a Iotama, e fakamau katoa i te tusi o Te Tala Tuku Fakasolo o Tupu o Iuta.

37Ko te taimi tena ne tupu ei a ia tena, tela ne uga muamua mai ei ne te Aliki a Lesina, te tupu o Sulia, mo Peka, te tupu o Isalaelu ke taua ki Iuta.

38Ne mate atu Iotama, tanu ei i tanuga o tupu, i te Fa'kai o Tavita, kae ne sui a ia ne tena tama tagata ko Aasa o fai mo tupu.