1 TESALONIA Te Fakatomuaga - Tuvalu Revised Bible

Te FakatomuagaA Tesalonia ko te laumua o te itumalo o Loma ko Maketonia. Ne fakatu ne Paulo a te Ekalesia i kona, mai tua o te taimi ne tiakina ei ne ia a Filipi. I kona foki eiloa, e isi se 'tekega mai tino Iutaia kola e kaisanosano ki a Paulo, ona ko te fanofano 'lei o tena talaiga ki te muna faka-Kelisiano, ki tino kola e seai ne tino Iutaia, kae kola ko kamata o talitonu ki te lotu Iutaia. Ne faimalo ne latou a Paulo, ke tiakina a Tesalonia kae ke fano ki Pelea. Fakamuli ifo, i tena okoga ki Kolinito, Ne maua ne Paulo se fakamatalaaga mai i tena taugasoa, ko i a tela e galue tasi laua ko Timoteo, mo te tulaga o te Ekalesia i Tesalonia. Te Tusi Muamua a Paulo ki tino Tesalonia ne tusi o fakamalosi kae toe fakapatonu ki Kelisiano i kona. Ne avatu tena fakafetai ona ko te tala e uiga mo te olotou fakatuanaki mo te alofa; ne fakamasaua foki ne ia a te vaega olaga tela ne olagina ne ia i te taimi ne 'nofo ei latou, kae ne tali foki ki fesili kola ne sae aka i loto o te Ekalesia, e uiga ki te toe foki mai o Keliso: Mata e mafai ne te tino talitonu, tela ne mate mai mua o te foki mai o Keliso, o aofia i loto o te ola se gata mai, tela ka foki mai mo ia? Kae mafea e toe foki mai ei a Keliso? Ne fakaasi ne Paulo ki a latou, me i te avanoaga tenei e tau mo latou o galue filemu, kae koi fakatalitali mo te fakamoemoega ki te toe foki mai o Keliso.Ko Fakasologa o MataupuKo te Fakatomuaga (1.1)Ko te loto Fakafetai mo tavaega (1.2—3.13)Ko te Fakamalosiga ki te olaga Kelisiano (4.1-12)Ko Fakatonuga e uiga mo te toe foki mai o Keliso (4.13—5.11)Ko fakamalosiga Fakaoti (5.12-22)Fakaotiga (5.23-28)