NAUMA 1 - Tuvalu Revised Bible

1

E tamate ne ia latou kola e teke atu ki a ia.

9Ai a e mafaufau ei koutou o teke atu ki te Aliki?

Ka fakamalaia ne ia koutou.

E se mafai ne se tino o teke fakalua ki a ia.

10Ka sunu fakapalele eiloa koutou ki te afi,

E pela mo lakau makaikai mo kau o saito ko pakupaku!

11Ka ko koe e Nineva, e vau mai i a koe se tagata e fonu i mea masei, ko ia tela e mafaufau o teke atu ki te Aliki.

12Kae penei muna a te Aliki e fai atu ki tino Isalaelu: “E ui eiloa i te malosi mo te tokouke o tino Asulia, ka fakamalaia eiloa latou, ko galo atu ei latou. Toku fenua, ne fakapuapuaga ne au koutou, kae ka se toe fai eiloa ne au pena.

13Nei, ka fakagata ne au te pule a Asulia i luga i a koe, ka 'motu foki ne au a seni kola ne saisai ei koe.”

14Tenei te fakatonuga a te Aliki e uiga ki a Asulia: “Ka se toe ai ne olotou fanau e fakaola ei te olotou igoa. Ka ofa ne au a tupua i loto i faletapuaki o olotou atua. Ka fakatoka ne au se tanuga mo tino Asulia, e se tau o toe ola latou!”

15 Isa 52.7 Kiloke, a te avefekau e vau mai luga i te atu mauga mo te tala 'lei! Ko vau a ia i tena auala o folafola mai te manumalo! Tino Iuta, fai otou 'kaiga fiafia kae avatu ki te Atua a mea ne tauto atu ei koutou ki a ia. A tino amio masei ka se toe faitaua atu ki te otou fenua, me ko oti ne 'ta fakapalele!