1“Faite se fata-fai-taulaga ki te lakau ko te akasia. Fai ke 'pau te loa mo te lauefa, e lua tesimale lua mita te loa, kae lua tesimale lua mita te lauefa, kae tasi tesimale tolu mita te maluga.
2Faite ne nifo e fa i tulimanu e fa. Faite ko te mea ke tasi mo te fata-fai-taulaga, kae ufi katoa ki te palasi.
3Fai ne ulo mo tali te lefu mo te sinu; faite foki ne sevolo mo pola, mo tui mo ulo tunu meakai. A mea katoa konei e faite ki te palasi.
4Faite foki se mea valavala ki te palasi, mo ne ligi palasi e fa mo sau sale, ligi kona e fakamau i ona tulimanu.
5A te mea valavala tenei ke nofo i te afā o te fata-fai-taulaga.
6Faite ne amo ki te lakau ko te akasia kae ufi ki te palasi,
7ko faulu atu ei ki ligi i feitu takitasi o te fata-fai-taulaga i taimi e sau ei.
8Faite te fata-fai-taulaga ki laupapa kae tuku ke anaana te kogā loto, e pela eiloa mo te fuafuaga ne fai atu ne au i te mauga.
Ko te Pui Loto o te Faleie o te Aliki(Eso 38.9-20)9“Faite se pui loto mo toku Faleie, ki laugatu lino gali. A laugatu kona i te feitu ki saute e 44 mita te loa,
10kae taofi ne pou palasi e luasefulu kola e tu i luga o tulaga palasi e luasefulu, e pela foki mo pine mo talava e faite ki siliva.
11Ke fai foki pena i te feitu ki matu o te pui.
12Ka ko te feitu ki te togala e pui foki ki laugatu e taki luasefulu lua mita te loa, mo pou e sefulu, e pena foki te aofaki o olotou tulaga.
13A te pui ki te feitu ki te saegala, tela e tu ei te mataloa, te pui i ei e tau o luasefulu lua mita te lauefa.
14-15I feitu takitasi o te mataloa, a te laugatu 'pui e taki ono tesimale ono mita, mo pou mo olotou tulaga e tolu.
16A te laugatu pui o te mataloa e tau o iva mita te loa kae fai ki te laugatu lino gali tela e laga ki te vulu lanu usi, lanu kulakula mo te lanu kula, kae teuteu fakagaligali ki mea suisui; kae fakamau ki pou e fa e tu i luga o olotou tulaga foki e fa.
17A pou fakatamilo katoa o te pui loto e faka'soko fakatasi ki talava siliva, ka ko olotou pine fakalave e faite foki ki siliva, ka ko olotou tulaga ne palasi.
18Ka ko te pui loto e fasefulu fa mita te loa, luasefulu lua mita te lauefa kae lua tesimale lua mita te maluga, ka ko ona pui laugatu e faite ki laugatu lino gali mo ona tulaga foki e fai ki te palasi.
19Ka ko mea katoa e fakaaoga i loto i te Faleie pela foki mo ana pine fakalave katoa, mo pine fakalave mo te pui foki, e faite katoa ki te palasi.
Te Tausiga o te Moli(Levi 24.1-4)20“Fakatonu ki te fenua o Isalaelu, ke aumai ki a koe te sinu olive tafasili i te lei mo te moli, ko te mea ke faka'ka sale i afiafi takitasi.
21Ke fakatu ake ne Alona mo tamaliki a ia a te moli i te Faleie, toku koga nofo, kae i tua atu o te laugatu pui i mua o te Pusa o te Feagaiga. Tena la, e ka faeloa te moli i loto i toku koga nofo mai i te afiafi ke oko ki te taeao. Te fakatonuga tenei ke tausi faeloa ne te fanauga a Isalaelu mo olotou tamaliki ki te se gata mai.
Who We AreWhat We EelieveWhat We Do
2025 by iamachristian.org,Inc All rights reserved.
