1 2Tupu 15.7; 2NTupu 26.23 I te tausaga tela ne mate ei te Tupu ko Usia, ne lavea ei ne au a te Aliki. E sagasaga i tena nofogaaliki, kae ko oko eiloa i te mata 'malu, ka ko tena gatu loa ko fonu ei te Faletapu.
2I ona feitu katoa, e tu ei a manu 'ka, a te manu e tasi e ono ona kapakau. A manu katoa kona e ufi olotou mata ki olotou kapakau e lua, a te sua lua e ufi ki ei olotou foitino, kae e eva ki te sua lua kapakau.
3Faka 4.8 A manu kona e fakatau kalaga i a latou eiloa penei:
“E tapu, e tapu, e tapu!
A te Aliki Malosi e tapu!
A tena malu e fonu ei te lalolagi.”
4 Faka 15.8 A olotou leo ko ala ei o galulu te fakavae o te Faletapu, kae ko fonu foki te Faletapu i te ausaga.
5Aku muna penei, “Ko seai soku fakamoemoega! Au ko malaia me i muna katoa konei ne olo atu mai i toku gutu, ne muna agasala, kae e nofo fakatasi foki au mo tino konei e faipati faeloa ki te agasala. Kae nei, ko lavea ne au ki oku mata a te Tupu, te Aliki Maluga!”
6Tena la, kae eva ifo te manu e tasi o vau ki a au, mo te fatu Kala 'ka e iko mai ne ia ki te sikofi, ne aumai ne ia mai i te fata-fai-taulaga.
7Ne fakapatele mai ne ia te fatu Kala 'ka ki oku laugutu, kae fai mai penei, “Au agasala ko fakamagalo, me ko oti ne patele atu te mea tenei ki ou laugutu.”
8Tena la, kae lagona ei ne au a muna a te Aliki penei, “Ko oi te tino ka uga atu ne au? Ko oi ka fai mo avefekau a tatou?”
Ne tali atu au, “Ko au! Uga mai au!”
9 Mata 13.14,15; Male 4.12; Luka 8.10; Ioa 12.40; Galu 28.26,27 Tena ne fai mai ei ki a au ke fano au o fakaoko atu te fekau tenei ki tino o tena fenua: “Me pefea eiloa te uke o mea ne fakalogologo koutou ki ei, kae ka se mafai eiloa koutou o malamalama. Me pefea eiloa te pula mai o otou mata, kae ka se iloa eiloa ne koutou a mea kona e tupu.”
10Tena kae fai mai ei ki a au penei, “Fai atu a mafaufau o tino kona ke valea, olotou taliga ke tuli, mo olotou mata ke kivi, ko te mea ke se mafai ne latou o matea se mea, io me lagona se mea, io me malamalama i se mea; me kafai e matea, io me lagona, io me malamalama i se mea, ko tena uiga ka fuli mai latou ki a au ko fakaola ei ne au latou.”
11Ne fesili atu au penei, “Te Aliki, se a te leva o te mea tena?”
Ne tali mai a ia, “Ke oko eiloa ki te taimi e maofa valevale ei a fa'kai, kae ko seai foki ne tino i ei, ke oko eiloa ki te taimi ko seai ei ne tino i loto i fale, ke oko ki te taimi ko masei valevale ei te fenua.
12Ka ave ne au a tino ki se koga mao kae fakamasei valevale te fenua.
13Kafai foki eiloa e tokotasi mai i te sefulu o tino e toe i te fa'kai, e malaia fakatasi atu eiloa mo te fa'kai; ka pela a ia me se tafito o te lakau ko te oka tela ne kati ki lalo.”
(A te tafito e fakaasi mai i ei te kamataga fou o te fenua o te Atua.)
Who We AreWhat We EelieveWhat We Do
2025 by iamachristian.org,Inc All rights reserved.
