2 TUPU 14 - Tuvalu Revised Bible

Ko Amasia, te Tupu o Iuta(2NTupu 25.1-24)

1I te lua o tausaga o te nofoaiga a Ieoasa te tama tagata a Ioasasa i Isalaelu, ne fai ei a Amasia, te tama tagata a Ioasa mo tupu o Iuta,

2ka ko luasefulu lima ei ona tausaga. Ne tupu a ia i Ielusalema i tausaga e luasefulu iva. A tena matua ko Ieoatini, se fafine mai i Ielusalema.

3Ne fakafiafia ne ia a te Aliki i ana mea ne fai; kae e se pau a ia mo tena tupuga ko Tavita. Ne fai foki ne ia a mea kola ne fai ne tena tamana ko Ioasa.

4Ne seki ofa ne ia ki lalo a koga tapuaki fapaupau, tela la a tino e tumau faeloa o olo o ofo olotou taulaga kae sunu mea ma'nogi i koga kona.

5I te taimi ko pule katoatoa ei a Amasia i Iuta, tena ne tamate ei ne ia a ofisa kola ne olo o tamate tena tamana tela ko te tupu.

6

9Ne aumai te tali a te Tupu ko Ieoasa penei: “I te taimi e tasi, ne uga te fekau a te vao lakau makaikai i luga i Mauga o Lepanona ki te alasi penei, ‘Aumai tau tama fafine ke avaga mo taku tama tagata.’ Kae vau mo te manu lata vao, palele ne 'laka te vao lakau makaikai tena.

10Amasia, kiloke, ko oti ne fakatakavale ne koe a te kau Etoma, tela la, ko fonu tou loto i te fakamatamata. Na malie i tou takutakua tena, kae na nofo malie i tou fale. Ai a ka sala fua ei ne koe se fakalavelave tela ka puapuaga ei koe mo tou fenua?”

11Ka ko Amasia ne seki fakalogo, tena ne māti atu ei a te Tupu ko Ieoasa mo tena kautau o taua mo Amasia i Peta Semese i Iuta.

12Ne takavale te kautau a Amasia, tena ne fakatau 'tele ei ana sotia ki olotou fale.

13Ne puke fakapagota ne Ieoasa a Amasia, kae olo atu mo tena kau ki Ielusalema, ofa ei ne latou a te 'pui o te fa'kai, e kamata mai i te Mataloa o Efalaima ke oko ki te Mataloa o Matulimanu, e tusa mo te luaselau mita te loa o te koga tena ne fakamasei.

14Ne puke aka ne ia a siliva mo aulo kola e lavea ne ia, fakatasi mo mea katoa o te Faletapu mo koloa o te palesi, ave ei ne ia ki Samalia. E isi foki ne tino i kona ne ave ne ia.

15A nisi tala e uiga ki a Ieoasa, e pela mo tena loto toa i te tauaga a laua mo te Tupu o Iuta ko Amasia e fakamau i te tusi o Te Tala Tuku Fakasolo o Tupu o Isalaelu.

16Ne mate atu a Ieoasa, kae ne tanu i te tanuga o tupu i Samalia. Ne sui a ia ne tena tama tagata ko Ielopoamo II o fai mo tupu.

Ko te Mate o Amasia, te Tupu o Iuta(2NTupu 25.25-28)

17I te matega o te Tupu o Isalaelu ko Ieoasa, kae e sefululima tausaga mai tua ifo kae mate foki a Amasia, te tupu o Iuta.

18A nisi tala e uiga ki a Amasia e fakamau katoa i te tusi o Te Tala Tuku Fakasolo o Tupu o Iuta.

19E isi ne tino e lamalama o tamate a Amasia i Ielusalema, tena ne tele ei a ia ki te fa'kai o Lakisa, kae ne tau'tali atu eiloa ona fili i a ia ki kona, tamate eiloa ne latou a ia i kona.

20A tena foitino ne fakafoki ki Ielusalema i luga i te solofanua, tena ne tanu ei i tanuga o tupu i te Fa'kai o Tavita.

21Tena, ne fakasopo atu ei ne tino o Iuta a tena tamaliki ko Usia, tela ko sefuluono ona tausaga ke fai mo tupu.

22Ne toe 'fao mai ne Usia a te fa'kai o Elata i te otiga ne mate atu a tena tamana, tena ne toe faite faka'lei aka ei ne ia.

Ko Ielopoamo II, te Tupu o Isalaelu

23I te sefululima o tausaga o te nofoaiga a Amasia, te tama a Ioasa i Iuta, ne fai ei a Ielopoamo, te tama a Ieoasa mo tupu o Isalaelu, kae ne tupu a ia i Samalia i tausaga e fasefulu tasi.

24Ne agasala a ia ki te Aliki, o tautali ki auala ma'sei o te Tupu ko Ielopoamo te tama a Nepata, tela ne 'taki ne ia Isalaelu ki te agasala.

25 o Isalaelu; ko seai eiloa se tino ke fesoasoani ki a latou.

27A te Aliki ne seki fakamoemoe ke 'ta fakapalele te fenua o Isalaelu, tena ne fakasao ei ne ia Isalaelu e auala i te Tupu ko Ielopoamo II.

28A nisi tala e uiga ki a Ielopoamo II, pela mo ana mea ne fai e iloga ei tena loto toa, mo te toe fakafoki mai ne ia o te fa'kai o Tamaseko mo Hamata ki Isalaelu, e fakamau katoa i te tusi o Te Tala Tuku Fakasolo o Tupu o Isalaelu.

29Ne mate atu Ielopoamo, tanu ei i tanuga o tupu, kae ne sui a ia ne tena tama tagata ko Sakalia o fai mo tupu.