SALAMO 32 - Tuvalu Revised Bible

Te Fakatoesega mo te Fakamagaloga

1 Loma 4.7,8 Amutia a tino kola ko fakamagalogina olotou agasala,

Kola ko faka'magina foki olotou amioga ma'sei.

2Amutia te tino tela e se taku'segina ne te Aliki,

Kae se masani o loi.

3Au ne vaivai eiloa i te tagiga i te aso 'katoa i te mea ne seki fakaasi ne au aku agasala.

4Te Aliki, ne fakasala ne koe au i te ao mo te po;

Ko palele atu eiloa toku malosi,

E pela mo te sau ko matafi atu i aso o te tau vela.

5Tela ne fakaasi atu ei ne au ki a koe aku agasala;

E seki funa foki ne au i ou mua aku amioga ma'sei.

Au ne mafaufau ke fakaasi atu aku agasala ki a koe;

Kae ne fakamagalo eiloa ne koe.

6Tela la, e tau o talo atu ki a koe ou tino fakamaoni katoa i taimi e ma'nako ei latou ki a koe;

Kafai e oko mai se lofiaga o puapuaga,

Ka se oko atu eiloa ki a latou.

7A koe ko te koga e muni ei au;

Ka fakasao ne koe au mai fakalavelave.

E pese atu au mo te leo maluga ki tau fakaolataga,

Me e puipui ne koe au.

8Muna a te Aliki, “Ka akoako atu ne au ki a koe te auala e 'tau o fano koe i ei;

Ka fakatonutonu kae akoako ne au a koe.

9Sa fakavalevale pela me se solofanua io me pela me se miula,

Tela e 'tau o takitaki ki te fagutu,

Ko te mea ke fakalogo ki a koe.”

10E 'tau o puapuagatia a tino amio ma'sei;

Ka ko tino kola e fakatuanaki ki te Aliki,

E puipui ne ia ki tena alofa tumau.

11Lifu kae fia'fia koutou kola e amiotonu,

E tusa mo mea kola ne fai ne te Aliki!

Kalaga fia'fia koutou kola e fiafia ki a ia!