1A te Aliki ne faipati mai ki a au e uiga ki malo,
2Isa 19.1-25; Eseki 29.1—32.32 e kamata i a Aikupito. Konei ana muna e uiga ki te kautau a te tupu o Aikupito ko Neko, tela ne fakatakavale ne te tupu o Papelonia ko Nepukanesa i Kakemisa, i tafa o te Vaitafe ko te Eufilate i te fa o tausaga o te nofoaiga a te Tupu ko Ieoiakimo i Iuta:
3“A ofisa o Aikupito ko kalaga penei,
‘Fakatoka otou talita
Kae olo atu ki loto i te taua!
4Fakatoka otou solofanua kae sopo ki ei!
Fakalaina fakalei kae pulou otou pulou!
Fakamata otou tao!
Pei otou gatu tau!’
5Ne fesili te Aliki penei, “Kae se a te mea e lavea ne au?
Ko tele latou ki tua mo te mataku.
A olotou sotia ko takavale;
Ko mataku kae ko tele ki te mea e mafai ne latou,
Kae ko se onoono mai eiloa ki olotou tua.
6A latou kola e tele makini e se mafai o tele keatea;
A sotia e se mafai o tele ke sao latou.
E siga fua latou i tafa o te Eufilate i matu.
7Ko oi tenei e fanake ki luga pela mo te Naila,
Pela me se vai o te vaitafe tela ko lofia ona kaugutu?
8Ko Aikupito tena, e fanake pela mo te Naila,
Pela me se vaitafe tela ko lofia ona kaugutu.
Ne fai mai Aikupito penei, ‘Au ka fanake o ufi te lalolagi;
Ka fakamasei ne au a fa'kai mo tino kola e nofo i ei.
9Fakatonu atu ki solofanua ke olo,
Mo kaliota ke na tele!
Uga atu a sotia:
Ko tagata mai i Sutana mo Lipia, kola e tauave olotou talita,
Mo tino apo i sana o matasana mai i Litia.”’
10Tenei te aso o te Aliki Sili i te Malosi:
Ka taui atu ne ia i te aso nei,
A te masei ki tena fili;
Ka fakasala ne ia ona fili i te aso nei.
A tena pelu ka kai ne ia latou ke oko ki te taimi e makona ei,
Kae inu olotou toto ke oko ki te taimi e malie ei.
I te Aso nei, ko tamate ne te Aliki Malosi
A ona fili i matu, i tafa o te Eufilate.
11Tino Aikupito, olo ki Kileata
Kae sala mai ne vailakau!
A otou vailakau ko oti ne fakatalitonugina me e se aoga;
E seai se mea e mafai o fakalei ne ia koutou.
12A malo ko oti ne logo i tou masiasi;
Ko oti ne logo a tino katoa i tau tagiga.
E lave te vae o te sua sotia i te sua sotia,
Tena siga fakatasi ei ki lalo i te laukele.
Ko te Vauga a Nepukanesa13 Iele 43.10-13 I te taimi ne vau ei a Nepukanesa, te tupu o Papelonia, o taua mai ki Aikupito, kae ne faipati mai a te Aliki ki a au, ana muna,
14“Folafola atu i fa'kai o Aikupito, i Mikitolo, Mefisi, mo Tapenesa penei:
‘Fakatoka o pui koutou,
A mea katoa a koutou ka fakamasei katoa i te taua!
15Ai a ko siga ei te otou atua malosi ko Apisa?
Ko te Aliki ne ta ne ia ke siga ki lalo!’
16A otou sotia ko siga kae pakū ki lalo;
E fai mai te sua sotia ki te sua sotia penei,
‘Ke vave! Tatou ka foki ki te tou fenua
Ke 'sao tatou mai i te pelu a te fili!’
17“Fakaigoa atu te tupu o Aikupito ki se igoa fou —
‘Tino gutu faipati kae seai se malosi.’
18Au, te Aliki Malosi, ko te Tupu.
Au ko te Atua ola.
E pela mo te Mauga o Tapola tela e maluga atu i mauga,
Mo te Mauga o Kalamelu tela e maluga malosi i luga o te tai,
Ka pena te malosi o ia tela e taua atu ki a koutou.
19Fakatoka i a koutou ka ave fakapagota,
Koutou tino Aikupito!
A Mefisi ka fai mo toafa,
Se koga seai ne tino e nofo i ei.
20A Aikupito e pela me se pulumakau gali,
Tela e taua mai ki ei te lago u'kati mai i matu.
21Ke oko foki eiloa ki sotia kola ne togi mai
Ne latou, ko se aoga pela fua me ne tamā pulumakau.
A latou e seki tu o taua;
Ne mafuli katoa latou o tele ki tua.
A te aso malaia o latou ko oko mai,
Ko te aso e ta fakapalele ei latou.
22A Aikupito ko tele keatea, ko tagi pela me se gata,
I te taimi ne sae mai ei te kautau a te fili.
Ne taua mai latou ki ei ki takū,
Pela me ne tino e kati ki lalo a lakau
23O faka'ma a te toga vao pupu.
A olotou tino ko to tokouke ko se mafai o lau;
A olotou sotia ko tokouke atu i se akelise.
24A tino Aikupito ko masiasi fāka eiloa;
Ko fakatakavale latou ne tino mai i matu.
Ko au, te Aliki, tena ne faipati atu.”
25A te Aliki Malosi, te Atua o Isalaelu, ne fai mai penei, “Ka fakasala ne au a te atua o Tepesi ko Amoni, fakatasi mo Aikupito mo ana atua mo ona tupu. Ka puke ne au a te tupu o Aikupito mo tino katoa kola e fakalagolago ki a ia,
26kae tuku atu ki tino kola e fia tamate ki a latou, ki te tupu o Papelonia ko Nepukanesa mo tena kautau. Kae fakamuli ifo, a tino ka toe nofo i Aikupito, e pela mo aso mua. Ko au, te Aliki, tena ne faipati atu.”
Ka fakasao ne te Aliki a Tena Fenua27 Iele 30.10,11 “Toku fenua, sa mataku,
Tino Isalaelu, sa mataku.
Ka faka'sao ne au koutou mai i te fenua mao tena,
Mai i te fenua tena e nofo pagota ei koutou.
Ka toe foki mai koutou ki te otou fenua o ola i te filemu;
Ka saogalemu koutou, kae ka seai se tino
E toe fai ne ia koutou ke mataku.
28Au ka vau ki a koutou o faka'sao koutou.
Ka ta fakapalele ne au a malo katoa kola
Ne fakasalalau ne au ki ei koutou,
Ka ko koutou e se ta fakapalele ne au.
E se tuku atu ne au koutou ke olo kae e seki fakasala;
Kae kafai e fakasala ne au koutou,
E fakasala eiloa i te auala tonu.
Ko au, te Aliki, tena ne faipati atu.”
Who We AreWhat We EelieveWhat We Do
2025 by iamachristian.org,Inc All rights reserved.
