IELEMIA Fakatomuaga - Tuvalu Revised Bible
FakatomuagaA te pelofeta ko Ielemia ne ola i te vaitaimi i te fakaotiga o te fitu o senitenali ki te kamataga o te ono o senitenali T.M.K. I tausaga ne galue ei a ia, ne folafola ne ia ki te fenua o te Atua, a te fakalavelave tela ka oko mai ki te malo ona ko olotou agasala mo tapuakiga ki tupua. Ne lavea eiloa ne ia a te fakataunuga o tena valoaga tena — ko te takavalega o Ielusalema i te tupu o Papelonia ko Nepukanesa, te ofaga o te fa'kai mo te Faletapu, mo te ave fakapagotāga o te tupu mo tino e tokouke. Ne valo foki ne ia a te taimi e toe foki mai ei a tino o te fenua kola ne ave fakapagota, mo te taimi e toe atiake ei a te malo.A te tusi a Ielemia e mafai o vaevae ki vaega konei: (1) Ko te kalagagina o Ielemia. (2) Ko fekau mai i te Atua ki malo o Iuta mo ana takitaki, i te nofoaiga a tupu ko Iosia, Ieoiakimo, Ieoiakini mo Setekaia. (3) Ko tusitusiga mai tusitusiga a Paluka, te failautusi a Ielemia. (4) Ko fekau mai i te Aliki e uiga mo malo valevale fakaatea. (5) Tusitusiga mai tala tuku fakasolopito, e fakaasi i ei te tala o te takavalega o Ielusalema, mo te tafeaga ki Papelonia.A Ielemia se tagata e lei ana mafaufauga kae alofa fakamaoni ki ana tino, kae se fiafia ke fakaasi ne ia ki ana tino, a te fakamasinoga o latou.A nisi muna taua i te tusi tenei e fakasino ki se taimi mai tua ifo o aso faigata o Ielemia, ki te aso tela ka faite ei se feagaiga fou, se feagaiga tela ka fakamaoni eiloa a tino o tausi, kae seai se faiakoga ke fakamasaua ne ia ki a latou, me ka tusi eiloa i olotou loto taki tokotasi (31.31-34).Ko Fakasologa o MataupuKo te kalaga o Ielemia 1.1-19Ko muna fakapelofeta i nofoaiga a Iosia, Ieoiakimo, Ieoiakini mo Setekaia 2.1—25.38Ko mea ne tupu i te olaga o Ielemia 26.1—45.5Ko muna fakapelofeta e uiga mo te malo 46.1—51.64Ko te takavale o Ielusalema 52.1-34
