FAKAASIGA 6 - Tuvalu Revised Bible

Ko Fakamailogaaga a te Atua

1Ne matea atu ne au a te Tama Mamoe ko Iesu ko 'tala ne ia a 'saiga muamua o fakamailoga e fitu; kae lagona atu foki ne au a te leo o te sua manu, e faipati i te leo pagulu, e pela eiloa mo se pa o te fa'tili: “Vau!”

2 te koga o tino 'mate e tautali pili eiloa i ona tua. Ne tuku atu a te kuata o te lalolagi ke pule ne laua, ka ta ne laua ki te pelu, ki oge, ki famai, pela foki ki manu fekai o te lalolagi.

9Ne 'tala ne te Tama Mamoe a te lima o fakamailoga; matea ei ne au mai lalo o te fata faitaulaga a agaga o latou kola ne tamate, i te folafola atu ne latou te Muna a te Atua, kae ne fakamaoni foki ki te lotou molimau atu.

10Ne ka'laga mo te leo 'lasi penei: “Te Aliki tela e o ia te Malosi Katoatoa, e tapu kae tonu katoatoa! Ko afea, e fakamasino ei ne koe a tino o te lalolagi, kae fakasala latou ona ko te olotou tamatega i a matou?”

11Ne tuku atu ki a latou ke tofu te tino mo te gatu kena; ne fai atu foki ki a latou ke tai malo'lo ake malie, ke oko ki te taimi e katoa ei te aofaki o olotou taina kelisiano kola ka tamate e pela mo latou.

12 Faka 11.13; 16.18; Isa 13.10; Ioelu 2.10,31; 3.15; Mata 24.29; Male 13.24,25; Luka 21.25 Ne matea foki ne au a te Tama Mamoe ko 'tala te ono o fakamailoga. Ne poko te mafuie fakamataku, pouli ei mo te la, e pela mo se laugatu uli, ka ko te masina ko kula e pela mo se toto;

13Isa 34.4a fetu ne tatela ifo ki te lalolagi, e pela eiloa mo fuaga mati 'moto ko tatela ifo mai i te lakau manafai e agi ne se matagi malosi.

14Faka 16.20A te lagi ko galo, e pela mo se pelugā tusi ko fetufetu, a mauga mo fenua ko fakama'siki katoa mai i koga ne 'tu i ei.

15Isa 2.19,21Tela la, ko tupu o te lalolagi, ko pule mo takitaki o kautau, ko tino maumea mo tino sili, mo nisi tino ake, ne tino pologa mo tino saoloto, ko faka'lafi katoa a latou i ana o kaupapa i lalo o mauga.

16Hose 10.8; Luka 23.30Ne ka'laga atu latou ki mauga mo kaupapa: “Ma'toli mai ki luga o matou, ke 'muni matou mai i mata o ia tela e nofo i te nofogaaliki, pela foki mo te kaitaua o te Tama Mamoe!

17Ioelu 2.11; Mala 3.2Me ko oko mai nei a te aso lasi o te lotou fakasalaga, kae seai se tino e mafai ne ia o 'teke atu.”