1Tena, ne puke aka ne Samuelu se tiā e fonu i sinu olive, ligi atu ki te ulu o Saulo, sogi atu a ia ki a Saulo, kae fai atu penei, “A koe nei ko faū ne te Aliki ke fai mo tupu o tena fenua ko Isalaelu. Ka takitaki ne koe tena fenua kae puipui latou mai i olotou fili. Kae tenei te fakailoga e fakatalitonu ei i a koe ko oti ne fili ne te Aliki ke fai mo takitaki o tena fenua:
2Kafai ko fanatu koe mai konei i te aso nei, kae ka fetaui koe mo te tokolua tagata i tafa o te tugamau o Lasela i Selesa, i te laukele o Peniamina. Ka fakailoa atu ne laua ki a koe i asini kola ne sala sale koe ki ei ko oti ne maua tela la, tou tamana ko se manavase ki asini kona, kae ko manavase nei ki a koe, kae e fesili faeloa penei, ‘se a te mea ka fai ne au ki taku tama?’
3Ka olo atu eiloa koulua mo tau tavini mai kona, kae kafai e oko atu koulua ki te lakau tapu i Tapola, ka fetaui koulua mo tagata e tokotolu e olo o ofo olotou taulaga ki te Atua i Peteli. E tokotasi i a latou e takitaki ne ia a tamā kouti e tolu, sua tino e puke i puta falaoa e tolu, ka ko te sua tino e pukepuke i te taga e fonu i uaina.
4Ka fakafetaui mai latou ki a koe, kae tuku atu ki a koe e lua puta falaoa, kae e tau o talia ne koe.
5Ka oti ko fano ei koe ki te Mauga o te Atua i Kipea, tela e isi ei ne faleie fakamanava o te kau Filisitia. Kafai ko oko atu koulua ki te auala ki te fa'kai, kae ka fetaui koulua mo se potukau pelofeta ko 'mai mai te fata-fai-taulaga i luga i te mauga foliki, kae fakatagitagi mai a kitala mo tulamu, mo fagufagu, kae sakasaka mai kae kalaga sale foki.
6I kona foki eiloa, ko koe eiloa ko ulufia ne te agaga o te Aliki, tena ka kau atu ei koe ki olotou siva mo olotou pakalaga, tena ko fai ei koe mo tagata fou.
7Kafai ko tupu a mea kona, masaua eiloa o fai a mea e fakasino atu ne te Aliki ke fai.
8A koe ka fano i oku mua ki Kilikala, te koga e fetaui ei taua, ko ofo atu ei ne taua ne taulaga sunu mo taulaga fakafetai. Fakatali eiloa i kona i aso e fitu ke oko atu au o fakasino atu te mea e tau o fai ne koe.”
9I te taimi ne mafuli mai ei a Saulo mai i a Samuelu, o fakatoka o fano, ne tuku atu ei ne te Aliki ki a ia se loto fou. A mea katoa ne faipati ne Samuelu ki a ia, ne taunu katoa i te aso tena.
10I te okoatuga o Saulo mo tena tavini ki Kipea, ne fakafetaui atu ki a ia se potukau pelofeta. I kona foki eiloa ko te agaga eiloa o te Atua ko ulu atu ki a ia, tena ne 'saka fakatasi ei a ia mo latou, kae pakalaga foki.
11A tino kola e iloa ne latou a Saulo, ne matea ne latou e saka kae pakalaga, tena ne fakatau fesilisili ei latou penei, “Se a te mea ko tupu ki te tama tagata a Kiso? Kae a, a Saulo nei ko liu pelofeta foki?”
12 ne fili ne te Atua, ne olo mo Saulo.
27Kae e isi ne tino seai ne aoga e fai olotou pati penei, “Se a te lei e mafai ne te tagata tena o fai ki a tatou?” E se fiafia latou ki a Saulo, tena, seai ei ne meaalofa ne aumai ne latou ki a ia.
Who We AreWhat We EelieveWhat We Do
2025 by iamachristian.org,Inc All rights reserved.
