NUMELA 33 - Tuvalu Revised Bible

Ko te Malaga mai Aikupito ki Moapi

1I te tala tenei e fakaasi mai ei a igoa o koga ne fakamanava ei a tino Isalaelu mai te taimi ne tiakina ei ne latou Aikupito, i lalo o te pulega a Mose mo Alona.

2I taimi katoa ne manava ei te fanauga a Isalaelu o fakatu olotou faleie, ne fakatonu ne te Aliki a Mose ke fakamau te igoa o te koga tena e manava latou i ei.

3Ne tiakina ne tino Isalaelu a te fenua o Aikupito i te po sefulu lima o te masina muamua, te aso mai tua faeloa o te Paseka muamua eiloa. Ne tiakina ne latou te fa'kai o Lamese, i lalo o te puipuiga a te Aliki mo tino Aikupito e kilokilo atu eiloa ki a latou,

4kola e tanu olotou toekimua kola ne 'ta ne te Aliki. I te faiga o te mea tena ne te Aliki, e fakaasi ei me e sili atu tena mana i lo atua o Aikupito.

5Ne tiakina ne tino Isalaelu a Lamese kae ne toe fakamanava i Sukota.

6Ne tiakina ne latou Sukota o toe fakamanava i Etama, i kautafa o te toafa.

7Mai i kona, ne toe foki atu latou ki Pe Hailota, i te feitu ki te saegala o Paala Sefono, kae ne fakamanava latou pili ki Mikitolo.

8Ne tiakina ne latou Pe Hailota kae olo atu i loto i te Tai Kula, oko atu eiloa ki te Vao o Sula; e tolu aso ne olo ei latou, oko atu ei ki Mala, te koga ne fakamanava ei latou.

9Mai i kona ne olo atu latou ki Elima, te sua koga ne fakamanava foki ei latou, me e sefulu lua vaipuna kae fitusefulu a lakau ko pama i kona.

10Ne tiakina ne latou Elima, kae ne toe fakamanava i te Mataosoga o te Suesa.

11Te sua koga ne fakamanava latou i ei, ko te Vao o Sina.

12Mai i kona, ne toe fakamanava latou i Tofaka,

13mai i kona toe manava latou i Alusa.

14Tafa atu ki Alusa ko Lefiti, te koga e seai ne vai i ei mo olotou inu.

15-37Konei a igoa o koga ne faka'manava ei latou i te va o Lefiti mo te Mauga o Hole: te vao o Sinai, Kipelota Hatava io me ko te “Tanuga o Tino Sogea,” Haselota, Litima, Limoni Pelesi, Lipina, Lisa, Kelata, te Mauga o Sapela, Halata, Makelota, Tahata, Tala, Mitaka, Hasamona, Moselota, Pene Iakana, Holo Hakita, Iotapata, Apalona, Esionikepa, te Vae o Sinai, ko Katesa foki tena, mo te Mauga ei o Holo, tafa o te fenua o Etoma.

38-39 Nume 20.22-28; Teu 10.6; 32.50 Ne fanake a Alona te faitaulaga ki luga o te mauga o Holo e pela mo te fakatonuga a te Aliki kae ne mate foki loa i kona i tua o te fa sefulu tausaga i te tiakinaga ne tino Isalaelu a te fenua o Aikupito, i te aso muamua o te lima o masina. A Alona ko tusa mo te selau lua sefulutolu tausaga o tena olaga i te taimi ne mate ei a ia i te mauga o Holo.

40 Nume 21.1 Ne logo te tupu o Alata, i te feitu ki saute o Kanana, i tino Isalaelu ko olo atu.

41-49Konei a igoa o koga ne fakama'nava ei a tino Isalaelu, i te malaga a latou mai i te Mauga o Hole ke oko ki kogā koga laugatasi o Moapi: Salemona, Pinono, Opoto, Apalima i te koga fenua o Moapi, Tipono, Opoto, Apalima i te koga fenua o Moapi, Tipono Kate, Alemoni Tepelataimo, Mauga o Apalima i tafa o te Mauga o Nepo, i te laukele laugatasi o Moapi i tafa o te Iolitana tela e 'luta tonu mo Ieliko, i te va o Peta Iesimota mo te Vanu o Akasia.

Ko Fakatonuga

50I te kogā koga laugatasi o Moapi, i tafa o te Iolitana kae luta tonu mo Ieliko, ne tuku mai ei ne te Aliki ki a Mose

51a fakatonuga konei mo tino Isalaelu: “Kafai ko olo atu koutou ki te sua feitu o te Iolitana, ki te fenua o Kanana,

52e tau o afuli katoa keatea ne koutou a tino kona e nofo i kona. Fakamasei katoa a tupua fatu mo tupua fiti a latou, pela foki olotou koga tapuaki katoa.

53Nofo i te fenua tena, me ko tuku atu ne au mo koutou.

54Nume 26.54-56 Vaevae fakalei te laukele i matakaiga mo kaukaiga takitasi, e fai ki te vili, ko te koga lasi ke fano ki te kaukaiga tokouke, ka ko te vaega foliki ki te kaukaiga foliki.

55Kafai e se afuli katoa ne koutou keatea a tino e nofo i kona, ko latou kola e toe mai, ka fai mo fakalavelave ki a koutou, e pela me ne kaiga i otou mata io me ne mouku talatala i otou feitu. Kae ka taua atu eiloa ki a koutou.

56Kafai e se afuli keatea ne koutou, ko koutou ka ta fakapalele ne au, e pela mo te mea e mafaufau au o fai ki a latou.”