1Taku pele, taku avaga,
Au ko oti ne ulu ki loto i taku fatoaga.
Au tenei ko fakaputu nei aku mea fakamanogi mo mulo;
Au tenei ko kai aku hani,
Kae inu aku uaina mo susu.
Ko muna a te FafineKoulua kona e taugasoa, kai kae inu ke ma'lie koulua!
Ko te Fa o PeseKo muna a te Fafine2I te taimi e moe ei au, ka ko toku loto e ala.
Au ne moemiti i toku taugasoa e tukituki mai i te mataloa.
Ko muna a te TagataTaku famau, taku pele, taku lupe, ke ulu atu au ki loto.
A toku ulu ko 'siu i te sau,
Mo oku laulu ko 'su i te sau.
Ko muna a te Fafine3Au ko leva ne tapale oku gatu;
Ai a ka toe pei fua ei oku gatu?
Oku vae ko oti ne fulu;
Ai a ka toe fakalai'lai fua ei?
4Ne puke mai a lima o taku pele ki te mataloa,
Ka ko au ko oko eiloa i te fiafia me ko pili mai a ia ki a au.
5Au ko toka o faulu mai a ia ki loto.
A oku lima ko fonu i te mulo,
A oku matikao ko siu katoa i te sua o te mulo,
I te taimi ne puke atu ei au ki te kau o te mataloa.
6Ne tala atu ne au te mataloa ki taku fagasele,
Kae tela la, ko leva eiloa a ia ne fano.
Ko oko eiloa i toku fia fakalogo ki tena leo!
Ne sala au ki a ia, kae seki maua ne au;
Ne kalaga atu au ki a ia, kae seki tali mai.
7A tino kola e tausi ne latou a te fa'kai, ne maua ne latou a au;
Ne kini ne latou a au, pakia ei au;
A sotia tiute o te pui o te fa'kai ne sae ne latou toku gatu.
8Fafine o Ielusalema, tauto mai ki a au me kafai e maua ne koutou taku famau,
Ke fai koutou ki ei i a au ko vaivai i te alofa.
Ko muna a Fafine9Te fafine tafasili i te taulekaleka i fafine katoa,
E a, e se pau tau pele mo tino katoa?
Se a te mea e kese ei a ia,
Tena e fai mai ei koe
Ke tauto atu eiloa matou ki a koe?
Ko muna a te Fafine10A taku pele e taulekaleka kae malosi;
A ia se tagata e maua gata, e tokotasi aka eiloa a ia i se toko sefulu afe.
11A ona mata e mania'nia kae lanu aulo;
A ona laulu e fatifati,
Kae uli pela mo fulu o te oleva.
12A ona mata e gali pela me ne lupe i tafa o se vai e 'tafe,
Pela me ne lupe ne koukou ki te sua o te susu
Kae tu i tafa o se vaitafe foliki.
13A ona kalafau e gali e pela me se fatoaga
Tela e fonu i lakau 'gali mo mea fakamanogi.
A ona laugutu e pela me ne lili,
E siu i te sua o te mulo.
14A ona lima e gali, kae e isi ne ana mama e fakagaligali ki fatu taua.
A tena foitino e maniania e pela me ne nifo o te elefane,
Kae teu ki fatu taua e igoa ki safaila.
15A ona vae e pela me ne pou alapasa e ufi ki aulo.
A ia e maluga kae takutakua e pela mo Mauga o Lepanona,
Kola e tu ei a alasi ma'luga.
16A tena gutu e gali i te sogi;
So se mea i tena foitino e tosina ei toku loto.
Fa'fine o Ielusalema, e pena foliga o taku famau.
Who We AreWhat We EelieveWhat We Do
2025 by iamachristian.org,Inc All rights reserved.
