EFESO 5 - Tuvalu Revised Bible

Ko te Olaga i Loto i te Mainaga

1Ona ko koutou ko fanau atafai a te Atua, e 'tau ke pela koutou mo ia.

2 e maua i mea 'lei katoa, i te amiotonu mo mea tonu.

10Taumafai o tauloto ki mea kola e fiafia ki ei te Aliki.

11Sa kau fakatasi mo tino kola e fai ne latou amioga se aoga, kola ko amioga o te pouliga. E 'tau o faka'sae mai katoa amioga penei ki te mainaga.

12Se mea mataga ki eiloa o faipati ki olotou amioga 'funa.

13Kae kafai ko faka'sae mai a mea katoa ki te mainaga, ko matea 'lei ei olotou foliga tonu;

14me ko so se mea e fakaasi 'lei mai ke matea, ko te mainaga foki tena. Tena te pogai ne fai ake ei a te muna a te Tusi penei,

“Ala mai, a koe tena e moe,

Tu ki luga mai tino 'mate!

Ka ko Keliso e maina i luga i a koe.”

15Mafaufau fakalei ki auala e 'tau o ola koutou i ei. Sa ola e pela mo ne tino valea, kae ke pela mo tino 'poto.

16Kolo 4.5Fakaaoga faka'lei so se avanoa e maua ne koutou, i te mea ko aso masei a aso nei.

17Sa fakavale'vale, kae taumafai o salasala ake, me se a te mea e loto ki ei te Aliki ke fai ne koutou.

18Ke mo a e ko'na koutou i te uaina, tela e fakamasei ne ia a koutou, ka ke 'fonu koutou i te Agaga.

19Kolo 3.16,17Ke fakatau faipati koutou ki muna o salamo, ki muna o pese, e pela foki ki muna o pese tapu; ke usu foki ne koutou a pese lotu mo salamo ki te Aliki mo otou loto tavae.

20Ke fakafetai faeloa koutou ki te Atua te Tamana mo mea katoa, e alatu i te igoa o te tou Aliki ko Iesu Keliso.

Ko te Tauavaga

21Ke fakalogo te sua tino ki te sua tino, ona ko te otou ava ki a Keliso.

22 Kolo 3.18; 1Pete 3.1 A koutou e fafine, ke faka'logo koutou ki otou avaga, e pela eiloa mo te otou faka'logo ki te Aliki.

23Me i te tagata e isi sena pule i luga i tena avaga, e pela eiloa mo Keliso e isi foki sena pule i te Ekalesia; ka ko Keliso eiloa te Fakaola o te Ekalesia, tela ko tona foitino.

24Tela la, a fafine e 'tau o fakalogo fakamaoni ki olotou avaga, ke pela eiloa mo te Ekalesia e fakalogo ki a Keliso.

25 Kolo 3.19; 1Pete 3.7 A koutou e tagata, ke a'lofa koutou ki otou avaga, e pela eiloa mo Keliso ne alofa ki te Ekalesia, kae tuku atu foki tona ola mō te Ekalesia.

26Ne fai ne ia a te mea nei, ko te mea ke fakatapu ne ia a te Ekalesia mō te Atua i ana muna, i te otiga ne faka'ma ne ia ki te vai,

27ko te mea ke tuku atu te Ekalesia ki a ia ko gali katoatoa, ko 'ma kae e seai ne ona masei, e se ilaila io me pakiakia, io me se a ake foki se isi ona pona.

28A tagata e 'tau o a'lofa ki olotou avaga e pela eiloa mo te lotou atafai ki olotou foitino tonu. A te tagata e alofa ki tena avaga, e alofa foki ki a ia eiloa.

29E seai lele eiloa se tino e ita ki tena foitino. E atafai 'lei ki ei, i te fagai ne ia kae fai faka'lei ki ei, e pela foki eiloa mo faiga a Keliso ki te Ekalesia;

30me i a tatou ko vaega o tona foitino.

31Kene 2.24E pela mo muna a te Tusi, “Tenei te pogai e tuku ei ne te tagata tona tamana mo tona matua, kae fakatasi mo tena avaga, ke fai laua mo foitino e tasi.”

32E isi se mea tonu mo te tāua e fakaasi i te Tusi tenei, ka ko toku iloa i ei e fakauiga ki a Keliso mo te Ekalesia.

33Kae e aoga foki a te muna tenei mo koutou: e 'tau mo tagata katoa o a'lofa ki olotou avaga, e pela eiloa mo te lotou alofa ki a latou eiloa, kae e 'tau foki i fafine o ava ki olotou avaga.