FAKAASIGA 19 - Tuvalu Revised Bible

1I te otiga o te mea nei, lagona ei ne au a leo o tino e tokouke e paka'laga i te lagi penei: “Ke vikia te Atua! A te fakaolataga mo te 'malu mo te mana e o te Atua!

2Teu 32.43; 2Tupu 9.7E tonu katoatoa faeloa ana fakamasinoga! Me ko oti ne fakasala ne ia a te fafine tali tagata takutakua tela e fakamasei ne ia te lalolagi i tona fina lalolagi. Ko oti ne fakasala a ia ne te Atua i te mea ne tamate ne ia ana tavini.”

3Isa 34.10Ne toe paka'laga penei: “Ke vikia te Atua, me ko 'ka te fa'kai takutakua, ka ko tena au e au faeloa ki te se gata mai, ki te se gata mai eiloa!”

4A te tinolua mo te tokofa toeaina mo manu e fa ne totuli kae tapuaki ki te Atua tela e nofo i te nofogaaliki, kae fai ake penei: “Amene! Ke vikia te Atua!”

Ko te 'Kaiga o te Fakaipoipoga a te Tama Mamoe

5 Sala 115.13 Ne oko mai te leo mai te nofogaaliki penei: “Ke tavaea te tou Atua ne ana tavini katoa, pela foki mo tino katoa kola e talitonu ki a ia, ko tino ma'luga mo tino ma'lalo!”

6Eseki 1.24; Sala 93.1; 97.1; 99.1Lagona ei ne au a te leo e pela mo leo o te vaitino e tokouke, e pela mo te 'golo o vai e uke e tafe ifo ki koga malalo, e pela foki mo pa'paga o fa'tili. Ne lagona ne au e kalaga ake penei: “Ke vikia te Atua, me i te Aliki te tou Atua tela e o ia te Malosi Katoatoa ko ia ko te Tupu!

7Ke fia'fia kae 'lifu tatou; ke tavae foki ne tatou tona sili! Me ko oko mai nei te aso o te fakaipoipoga a te Tama Mamoe, ka ko tena avaga ko fakatoka nei ki ei.

8Ko oti foki ne talia a ia ke pei ki te gatu lino 'ma kae malapulapu.” A te lino ko te fakailoga tena o faiga 'lei a Kelisiano.

9 Mata 22.2,3 Ne fai mai te agelu ki a au: “Tusi penei: Ke amutia a latou kola ko oti ne ami ki te 'kaiga o te fakaipoipoga a te Tama Mamoe. A muna konei ko muna tonu eiloa a te Atua.”

10Ne totuli ifo au ki lalo i ona vae o tapuaki ki a ia, kae ne fai mai ki a au, “Sa fai ne koe! A taua ne taina tavini, e pena foki mo ou taina, mo tino katoa kola e taofi ki te mea tonu tela ne fakaasi mai ne Iesu. Tapuaki ki te Atua!”

Me i te mea tonu tela ne fakaasi mai ne Iesu, ko te mea tena ne fai'pati fakapelofeta ki ei a pelofeta.

Ko te Tino e Sopo i Luga i te Solofanua Kena

11 Eseki 1.1; Sala 96.13; Isa 11.4 Ne matea ne au te lagi e matala, mo te solofanua kena i ei. A te tino e fakatele ne ia e igoa ki a Fakamaoni me ko Tonu; ko ia tena e fakamasino atu mo te amiotonu, kae taua atu foki i te amiotonu.

12Tani 10.6A ona mata e pela eiloa mo ulaga afi, kae e uke a foualiki e tuku i luga i tona ulu. E isi foki se igoa e tusi i luga i a ia, kae seai eiloa se tino e iloa ne ia te mea tena, vagana eiloa a ia.

13A ia e pei ki te gatu loa to'toto, ko te fakailoga o te manumalo i te taua. E fakaigoa foki a ia, “Ko te Muna a te Atua.”

14Ko tau'tali atu katoa i a ia a kautau o te lagi, e 'sopo i luga i solofanua kena kae pei ki gatu lino kena kae 'ma.

15Sala 2.9; Isa 63.3; Ioelu 3.13; Faka 14.20Ne to mai i tona gutu a te pelu mata'kai, tela ka fakatakavale ne ia a fenua. Ka pule ne ia a latou ki te tokotoko fiti, kae ka 'tau ne ia te uaina ki te mea 'tau uaina tela ko te kaitaua fakamataku o te Atua e ona te Malosi Katoatoa.

16I luga i tona gatu mo tona vae e tusi ei a te igoa tenei: “Ko te Tupu o tupu mo te Aliki o aliki.”

17 Eseki 39.17-20 Ne matea ne au te agelu e tu i loto i te la. Ne pakalaga mo te leo lasi ki manu lele katoa kola e 'lele i te lagi: “Maopoopo katoa mai ki te 'kaiga lasi a te Atua,

18o 'kai ki foitino o tupu, pule o kautau, sotia, solofanua mo tino e 'sopo i ei, ko foitino o tino katoa, ko pologa mo tino saoloto, ko tino ma'luga mo tino ma'lalo!”

19Ne matea foki ne au a te manu fekai mo tupu o te lalolagi mo olotou kautau, e maopoopo o taua ki te tino tela e sopo i te solofanua mo tena kautau.

20Faka 13.1-18Ne puke fakapagota te manu fekai, fakatasi mo te pelofeta loi tela ko oti ne fai ne ia vavega i ona mua. Ko vavega kona ne ala ei o fakaloiloi ne ia a latou kola e isi se fakailoga o te manu fekai, pela foki mo latou kola e tapuaki ki ei. A te manu fekai mo te pelofeta loi ne pei ola laua ki te lase ka mo te pauta ka.

21Ne 'mate katoa olotou kautau i te pelu tela ne to mai i te gutu o ia tela e sopo i luga i te solofanua, kae ne kai katoa ne manu lele olotou foitino.